Бӧрданкыв 2:19 - Коми Библия 2023

¹⁹ Чеччы войнас да горзы, горзы войбыд, дугдывтӧг! Господьлӧн чужӧмбан водзын ваӧс моз кисьт сьӧлӧм дойтӧ. Нюжӧд китӧ Сылань, кевмысь ныв-пиыдлӧн олӧм вӧсна. Найӧ куйлӧны туйвежъясын, тшыгнысла кулӧны.

Бӧрданкыв 2:19 Referans Kwoze

Псалтыр 62:8

Ӧд Тэ – меным отсӧг сетысьыс, Тэнад бордъяс улын ме кута долыда нимкодясьны.

Исай 26:9

Войнас менам сьӧлӧмӧй гажтӧмтчӧ Тэысь, асывнас ме пытшкын лолӧй корсьысьӧ Тэнӧ. Кор му вылас ыджыдалӧ Тэнад веськыда мыждӧмыд, сэки му вылас олысьяс велӧдчӧны веськыдлунас.

Псалтыр 142:2

Эн мыжды Ассьыд кесйӧгтӧ, ӧд Тэ водзын веськыд мортыс абу.

Марк 1:35

Аскинас, югдытӧдзыс на, Исус чеччис да муніс кевмысьны овтӧминӧ.

Ӧксыяслӧн 1 небӧг 1:15

Мӧдыс вочавидзис: «Ыджыдӧй, вина-сур ме эг ю. Ме зэв шудтӧм ань, та вӧсна сьӧлӧмӧс ме личӧді Господь водзын.

Псалтыр 141:2

Ме восьта Сылы ассьым сьӧлӧмӧс, висьтала Сылы ассьым шогӧс.

Ёрдысьяс 7:19

Гедеон локтіс вӧрӧглӧн чомъяс дорӧдз, кор сэні рытъя видзысьясӧс вежисны войся видзысьяс. Гедеонкӧд вӧлі сё морт. Найӧ буксісны буксанъясӧн да жуглісны гырнич дозъяснысӧ.

Лука 6:12

Сійӧ лунъясӧ Исус кайис керӧсӧ кевмысьны да войбыд кевмысис сэні Енмыслы.

Марк 13:35

Сідзкӧ, лоӧй дасьӧсь, ӧд онӧ тӧдӧй, рытын-ӧ, войшӧрын-ӧ, петук чуксасигӧн-ӧ, асывводзын-ӧ локтас керка кутысь.

Матвей 14:25

Асъядорыс Исус мӧдӧдчис ва вывті велӧдчысьяс дінас.

Псалтыр 28:2

Ошкӧй Господьлысь нимсӧ, копыртчӧй Господь водзӧ Сылӧн мича вежаинын!

Исай 51:20

Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

1 Тимофейлы 2:8

Ме кӧсъя, медым айулов быдлаын кевмысисны кинысӧ кыпӧдӧмӧн, сӧстӧм сьӧлӧмӧн, лӧгавтӧг да майшасьтӧг.

Езекиль 5:16

Ерусалимын олысьяс, Ме ньӧвъясӧн моз бырӧда тіянӧс тшыгъялӧм помысь. Ме мырддя тіянлысь няньнытӧ, и ті кутанныд ёна тшыгъявны.

Езекиль 5:10

Батьыс кутас сёйны писӧ, а пияныс кутасны сёйны батьнысӧ. Ме мыжда тэнӧ, Ерусалим, а тэнсьыд ловйӧн кольӧмаястӧ тӧвйыв разӧда.

Псалтыр 134:2

Ошкӧй Сійӧс, Господьлӧн крамын сулалысьяс, миян Енлӧн йӧръясын кесъялысьяс!

Псалтыр 63:4

Ӧд найӧ лэчтӧны ассьыныс кывнысӧ шыпурт моз, налӧн сёрниыс – яда ньӧв лыйӧм кодь.

Иов 3:24

Менам ойзӧмӧй лои быдлунъя няньӧн, менам бӧрдӧмӧй – визувтысь ваӧн.

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.

Наум 3:10

Но сійӧс тшӧтш нуӧдісны пленӧ, сылысь кагаяссӧ виисны туйвежъясын, сылӧн нималана йӧзыс вӧсна пудъясисны, став сылысь тӧдчана йӧзсӧ дорисны чепъясӧн.

Псалтыр 42:3

Мӧдӧд Ассьыд югыдтӧ да збыльтӧ! Найӧ мед нуӧдасны менӧ, мед вайӧдасны Тэнад вежа керӧс вылӧ, Тэнад оланінӧ.

Псалтыр 42:4

Ме матыстча Тэнад висьпуктанін дорӧ, матыстча Тэ дінӧ, Енмӧй. Тэ сетан меным нимкодьлун да гажлун, гуслиӧн ворсӧмӧн ме кута ошкыны Тэнӧ, менам Енмӧй.

Псалтыр 142:3

Менӧ мустӧмтысь вӧтлысьӧ ме бӧрся, сійӧ няйтӧ талялӧ менсьым олӧмӧс, кулӧмаӧс моз йӧршитӧ менӧ пемыдінӧ.

Еремей 9:20

– Аньяс, кывзӧй Господьлысь кывсӧ, пельныд мед сюся кывзас Сылысь кывсӧ. Нывъяснытӧ велӧдӧй бӧрдӧдчыны, ӧта-мӧднытӧ велӧдӧй сьывны бӧрдан сьыланкыв.

Еремей 14:18

Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.

Микей 1:16

Иуда войтыр, шыр юрситӧ, шогсьы муса ныв-пиыд вӧсна! Шырсьы, мед лоан кондор лэбач кодь куш юра, ӧд ныв-питӧ пленӧ нуӧдасны.