Бӧрданкыв 2:15 - Коми Библия 2023

¹⁵ Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Бӧрданкыв 2:15 Referans Kwoze

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Псалтыр 48:2

Кывзӧй, войтыръяс, сюся кывзӧй, му вылас олысьяс,

Езекиль 25:6

Господь Ыджыдыс тадзи висьталӧ: ті клопайтӧмӧн, чеччалӧмӧн да лёкӧдӧмӧн нимкодясинныд сыысь, мый суис Израиль муӧс.

Еремей 19:8

Тайӧ карсӧ Ме вӧча овтӧминӧн да повзьӧдчанторйӧн. Сійӧс бырӧдӧмысь сы дорті мунысьясӧс полӧм босьтас.

Псалтыр 50:2

Давидлӧн Вирсавиякӧд узьӧм бӧрас сы дінӧ воліс Нафан пророк.

Софоний 2:15

Татшӧмӧн лоӧ кар, кӧні йӧзыс гажӧдчылісны, тӧждысьтӧг олісны, ас пытшканыс шуалісны: «Миян кар кодь мӧдыс абу». Но ӧні сійӧ лои киссьӧм карӧн, зверъяслы – дзебсянінӧн. Сы дінті мунысьяс пондасны шутьлявны, кинас швачӧдны боканыс.

Исай 64:11

Ставнас сотісны миянлысь вежа да дзирдлуна крамнымӧс, кӧні миян батьясным ошкисны Тэнӧ. Ставнас пазӧдісны миянлысь мича оланіннымӧс.

Исай 37:22

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Марк 15:29

Сэті мунысьяс лёкысь видзӧдӧмӧн омӧльтісны Исусӧс: «Крам жугӧдысь да куим лунӧн сійӧс лэптысь,

Матвей 27:39

Сэті мунысьяс лёкысь видзӧдӧмӧн омӧльтісны Исусӧс:

Наум 3:19

Тэнсьыд дойястӧ некод оз бурдӧд, найӧ ёна висьӧны. Тэ йылысь юӧрсӧ кылысьяс кутасны клопайтны, ӧд унаӧн тӧдлісны тэнсьыд куслытӧм скӧрлунтӧ.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Бӧрданкыв 2:16

Тэнӧ мустӧмтысьяс жеръялӧны тэ вылын, шутьлялӧны, пиньнысӧ йирӧмӧн шуалӧны: «Ми ньылыштім сійӧс! Ми ёна виччысим тайӧ лунсӧ, а ӧні аддзам сійӧс!»

Бӧрданкыв 2:6

Сад йӧрысь чомйӧс моз Сійӧ кисьтіс Ассьыс оланінсӧ, бырӧдіс войтырыслысь вежа чукӧртчанінсӧ. Господь лэдзис вунӧдны Сионын гажӧдчан лунъяс да шойччан лунъяс, ёна скӧралігас янӧдіс ӧксыӧс да попъясӧс.

Бӧрданкыв 1:8

Ыджыд мыж вӧчис Ерусалим, та вӧсна сійӧс ӧтдортӧны. Сійӧс пыдди пуктысьяс ӧні мустӧмтӧны сійӧс, ӧд аддзӧны сылысь яналӧмсӧ. Чужӧмсӧ бергӧдӧмӧн Ерусалим сьӧкыда ышлолалӧ.

Еремей 51:37

Вавилон лоӧ из чукӧрӧн, шакалъяслӧн оланінӧн, сійӧ лоӧ повзьӧдчанторйӧн, сійӧс кутасны лёкӧдны, сэні олысьыс оз ло.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 25:18

Ме юктӧді Ерусалимын да Иуда каръясын олысьясӧс, иудаса ӧксыясӧс да юралысьясӧс, медым вӧчны налысь каръяссӧ из чукӧрӧн да повзьӧдчанторйӧн, сетны найӧс ёрны-омӧльтны. Ставыс ӧніӧдз тадзи.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

2 Каднебӧг 7:21

Тайӧ ыджыд крам дінті мунысь весьӧпӧрӧмӧн юалас: ”Мый вӧсна нӧ Господь тадзи вӧчис тайӧ муыскӧд да тайӧ крамыскӧд?”

Ӧксыяслӧн 4 небӧг 19:21

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Псалтыр 64:8

Тэ лӧньӧдан саридзлысь ызгӧмсӧ, гыяслысь бузгӧмсӧ да йӧзыслысь шызьӧмсӧ.

Исай 28:21

Господь чеччас Перацим керӧс вылын моз, Сійӧ петкӧдлас Ассьыс скӧрлунсӧ Гаваон ковтысын моз, медым вӧчны Ассьыс уджсӧ, аддзывлытӧмторсӧ, да помӧдз вайӧдны Ассьыс вӧчӧмсӧ, вӧвлытӧмторсӧ.

Еремей 48:27

Моав, эн-ӧ тэ серав Израиль вылын? Тэ ӧд сійӧс эн кут гусясьысьяс пӧвстысь, но сы йылысь сёрнитігӧн юрнад довкйӧдлан.

Бӧрданкыв 1:21

Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Езекиль 16:14

Мукӧд войтыръяс пӧвстын тэ нималін аслад тыр-бур мичлуннад, мыйӧн Ме вевтти тэнӧ, – висьталӧ Господь Ыджыдыс.

Псалтыр 48:3

нималана йӧз и нимавтӧмъяс, озыръяс и гӧльяс.

Езекиль 5:15

Тэ гӧгӧр олысь войтыръяс кутасны лёкӧдны-омӧльтны тэнӧ. Найӧс полӧм босьтас, кор аддзасны, мый Ме мыжді тэнӧ да кисьті тэ вылӧ Ассьым скӧрлунӧс да ярлунӧс. Тайӧс висьтала Ме, Господь.

Езекиль 16:13

Тэ зарниӧн да эзысьӧн мичмӧдчин, вӧсни шабді, шӧвк да серлӧдлӧм паськӧмӧ пасьтасин. Тэ сёйин медбур шобді нянь, ма да олив вый. Тэ вӧлін вывті мича, вӧлін ӧксы-ань кодь.

Езекиль 23:32

Господь Ыджыдыс тадзи висьталӧ: тэ кутан юны чойыдлӧн чашаысь, джуджыд да паськыд дозйысь. Чашаыс тырӧма сералӧмӧн да лёкӧдӧмӧн.

Даниил 9:16

Господьӧй, Аслад веськыдлуныд ради вешты Ассьыд скӧрлунтӧ да ярлунтӧ Аслад Ерусалим кар дорысь да Тэнад вежа керӧс дорысь. Миян мыжъяс вӧсна да батьяснымлӧн лёк вӧчӧм вӧсна орччӧн олысь войтыръяс лёкӧдӧны Ерусалим карӧс да Тэнсьыд войтыртӧ.