Бӧрданкыв 2:10 - Коми Библия 2023

¹⁰ Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.

Бӧрданкыв 2:10 Referans Kwoze

Исай 15:3

Найӧ ветлӧны туй вывті шогалан паськӧмӧн, пукалӧны керка вевт вылын да бӧрдӧны, пукалӧны изэрд вылын да бӧрдӧны, бӧрдӧны кыз синваӧн.

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Езекиль 7:18

Найӧ пасьталасны шогалан паськӧм, бритасны юрнысӧ. Полӧм-тіралӧм босьтас найӧс, яндзим вевттяс чужӧмнысӧ.

Бӧрданкыв 3:28

Господь сьӧкыдсӧ пуктӧ морт вылӧ, та вӧсна мортыс мед ӧтнасӧн чӧла пукалӧ,

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Исай 47:1

– Вавилон ныв, лэччы да пуксьы му вылас, пукав му вылас, калдея войтырлӧн ныв, ӧд юралан пуклӧсыд тэнад абу нин. Водзӧ оз нин шуны, мый тэ мелі да шань войтыр.

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Восьтӧм 18:19

Найӧ коялісны юрнысӧ пӧимӧн, шогсисны-бӧрдісны да шуалісны: – Курыд шог тэныд, ыджыд кар! Аслад озырлунӧн тэ озырмӧдін саридз вылын кывтысьясӧс. Ӧти здукӧн тэ воштін ставсӧ!

Амос 8:13

Сійӧ лунӧ горш косьмӧмнысла вынтӧммасны весиг мича нывъяс да том зонъяс,

Амос 5:13

Та вӧсна вежӧра морт татшӧм кадӧ чӧв олӧ, ӧд тайӧ лёк кад.

Йоиль 1:8

Пасьталӧй шогалан паськӧм, бӧрдӧй верӧспусӧ воштӧм том ныв моз.

Езекиль 27:31

Юрнысӧ тэ вӧсна кушӧдз шырӧны, пасьталӧны шогалан паськӧм, курыда бӧрдӧны.

Бӧрданкыв 5:14

Юрнуӧдысьяс оз нин пукавны карса дзиръя дорын, том йӧз оз нин сьывны-ворсны.

Бӧрданкыв 5:12

Юралысьяснымӧс найӧ ӧшӧдісны, пӧрысьясӧс пыдди оз пуктыны.

Бӧрданкыв 4:16

Господь Ачыс разӧдіс-вӧтліс найӧс, Сійӧ на вылӧ оз нин видзӧдлы. Попъясӧс мустӧмтӧны, пӧрысьясӧс бурӧ оз пуктыны.

Бӧрданкыв 4:5

Водзынсӧ чӧскыда сёйысьяс ӧні тшыгъялӧны туйяс вылын, водзынсӧ мичаа пасьтасьысьяс ӧні гудйысьӧны лӧп чукӧрын.

Еремей 8:14

– Мый нӧ ми пукалам? Чукӧртчӧй, мунамӧй изкаръясӧ, и сэні кулам. Господь, миян Енным, шуис бырӧдны миянӧс, Сійӧ юктӧдӧ миянӧс яд сора ваӧн, ӧд ми мыж вӧчим Господьлы паныд.

Исай 47:5

Мун пемыдас, калдея войтырлӧн ныв, да чӧла пукав сэні. Водзӧ тэнӧ оз нин шуны войтыръяс вылын ыджыдалысь ӧксы-аньӧн.

Исай 36:22

Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ.

Исай 3:24

Сион, тэнад айуловыд куласны шыпуртысь, тэнад тышкайӧзыд усясны тышын.

Езекиль 27:30

Найӧ ёна горзӧны, курыда бӧрдӧны тэ вӧсна, юрнысӧ коялӧны муӧн, туплясьӧны пӧим пытшкын.

Иона 3:6

Кор ниневияса ӧксы кыліс та йылысь, сійӧ чеччис юралан пуклӧсысь, пӧрччис ӧксы паськӧмсӧ, пасьталіс шогалан паськӧм да пуксис пӧим пытшкӧ.