Бӧрданкыв 1:7 - Коми Библия 2023

⁷ Коньӧр туйын олігӧн да оланінтӧг колигӧн Ерусалимлы тӧд вылас уси став бурыс, мый сылӧн водзынсӧ вӧлі. Войтырыс кулӧ дзескӧдысьлӧн киысь, Ерусалимлы некод оз отсав. Дзескӧдысьяс сералӧмӧн видзӧдӧны, кыдзи сійӧс бырӧдӧны.

Бӧрданкыв 1:7 Referans Kwoze

Псалтыр 79:4

Енмӧй, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.

Псалтыр 42:4

Ме матыстча Тэнад висьпуктанін дорӧ, матыстча Тэ дінӧ, Енмӧй. Тэ сетан меным нимкодьлун да гажлун, гуслиӧн ворсӧмӧн ме кута ошкыны Тэнӧ, менам Енмӧй.

Лука 16:25

Ӧвраам шуис: ”Пиукӧй, эн вунӧд, мый тэ босьтін нин бурсӧ, а Лазарлы лёкыс вичмис. Ӧні сійӧ сьӧлӧмсӧ бурмӧдӧ тані, а тэ мучитчан.

Лука 15:17

Ас садяс воӧм бӧрын сійӧ шуас: ”Батьӧйлӧн меда йӧзыс пӧттӧдзныс сёйӧны, а ме тані тшыглы кула.

Микей 4:11

Ӧні тэныд паныд чукӧртчисны войтыръяс, найӧ шуалӧны: «Вай янӧдам Сион нылӧс, кутам видзӧдны сійӧс бырӧдӧмсӧ».

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Еремей 37:7

«Господь, Израильлӧн Ен, тадзи висьталӧ: иудаса ӧксылы, коді мӧдӧдіс юавны Менсьым, висьталӧй, мый фараонлӧн тышкайӧзыс, кодъяс вӧлі локтӧны тіянлы отсӧг вылӧ, бӧр бергӧдчасны асланыс муӧ, Египетӧ.

Псалтыр 77:3

Мый кывлім да тӧдмалім, мый батьяс миянлы висьтавлісны,

Иов 29:2

– Вӧлі кӧ эськӧ менам олӧмӧй воддза кодьыс, сійӧ лунъясыс кодь, кор Енмыс видзис менӧ.

Исай 64:11

Ставнас сотісны миянлысь вежа да дзирдлуна крамнымӧс, кӧні миян батьясным ошкисны Тэнӧ. Ставнас пазӧдісны миянлысь мича оланіннымӧс.

Еремей 48:27

Моав, эн-ӧ тэ серав Израиль вылын? Тэ ӧд сійӧс эн кут гусясьысьяс пӧвстысь, но сы йылысь сёрнитігӧн юрнад довкйӧдлан.

Исай 64:10

Тэнад вежа каръясын некод оз ов, Сион лои овтӧминӧн, Ерусалим – кушинӧн.

Езекиль 25:3

Тшӧкты налы кывзыны Господь Ыджыдлысь кывсӧ. Господь Ыджыдыс тадзи висьталӧ: ті сералінныд, кор Менсьым вежаинӧс пежалісны, Израиль муӧс куштісны да Иуда войтырӧс нуӧдісны пленӧ.

Езекиль 25:6

Господь Ыджыдыс тадзи висьталӧ: ті клопайтӧмӧн, чеччалӧмӧн да лёкӧдӧмӧн нимкодясинныд сыысь, мый суис Израиль муӧс.