Бӧрданкыв 1:5 - Коми Библия 2023

⁵ Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Бӧрданкыв 1:5 Referans Kwoze

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Еремей 39:9

Карсьыс коляс войтырсӧ да вавилонса ӧксы дор вуджысьясӧс Навузардан, ӧксыӧс видзысьяслӧн юралысь, нуӧдіс пленӧ Вавилонӧ.

Бӧрданкыв 3:46

Миянӧс мустӧмтысьяс пиньнысӧ йирӧны.

Бӧрданкыв 2:17

Господь вӧчис, мый кӧсйис, збыльмӧдіс Ассьыс кывсӧ, важысянь шуӧмсӧ. Сійӧ жалиттӧг бырӧдіс тэнӧ, вӧрӧглы лэдзис нимкодясьны, тэнӧ мустӧмтысьясӧс вылӧ кыпӧдіс.

Бӧрданкыв 1:18

Господь веськыд, но ме кыпӧдчи Сылы паныд. Кывзӧй, войтыръяс, видзӧдлӧй менам дой вылӧ: менсьым ныв-зонмӧс нуӧдісны пленӧ.

Еремей 23:14

Но ӧні Ме аддза, мый ерусалимса пророкъяс нӧшта на зывӧкджыка вӧчӧны: пежалӧны гозъякост олӧм, олӧны ылӧгас, ыззьӧдӧны йӧзсӧ лёк вылӧ, оз кежӧдны найӧс лёк вӧчӧмысь. Ме водзын тайӧ пророкъясыс Содом карын олысьяс кодьӧсь, а Ерусалимын олысьяс Гомора карын олысьяс кодьӧсь.

Еремей 12:7

– Ме эновті Ассьым керкаӧс, эновті Ассьым бӧрйӧм войтырӧс, Ассьым муса войтырӧс Ме сеті вӧрӧг киӧ.

Еремей 5:29

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Исай 63:18

Сӧмын дженьыдик кад Тэнад вежа войтырыд ыджыдаліс аслас му вылын, а ӧні Тэнсьыд вежаинтӧ талялӧны миянӧс дзескӧдысьяс.

Псалтыр 80:6

Тайӧ тшӧктӧмсӧ Енмыс сетіс Ӧсиплӧн рӧдлы, кор петіс Египетлы паныд. Сэні найӧ кылісны кывъяс, кодъясӧс водзынджык эз кывлыны.

Индӧд 31:29

Ме тӧда, мый менам кулӧм бӧрын ті сетчанныд лёкас, кежанныд туйсьыс, кытчӧ ме веськӧді тіянӧс. Локтана кадӧ тіянӧс суасны шогъяс, ӧд ті кутанныд вӧчны Господь [Ен] водзын шогмытӧмсӧ. Асланыд уджъясӧн ті дӧзмӧданныд Господьӧс».

Исай 22:5

Ковтысын шӧйӧвошӧм да шызьӧм, йӧзыс талялӧны ӧта-мӧднысӧ. Тайӧ лунсӧ лӧсьӧдіс Ыджыдыс, Господь Саваоф. Жуглӧны карса стенъяс, йӧзыслӧн горзӧмыс кылӧ керӧс йылӧдз.

Еремей 10:20

Менсьым чомйӧс куштісны, чом зэвтан гезъяссӧ орйӧдлісны. Менам челядьӧй мунісны ме дінысь, найӧ абуӧсь. Некодлы сувтӧдны менсьым чомйӧс, некодлы зэвтны чом дӧраясӧс.

Бӧрданкыв 1:8

Ыджыд мыж вӧчис Ерусалим, та вӧсна сійӧс ӧтдортӧны. Сійӧс пыдди пуктысьяс ӧні мустӧмтӧны сійӧс, ӧд аддзӧны сылысь яналӧмсӧ. Чужӧмсӧ бергӧдӧмӧн Ерусалим сьӧкыда ышлолалӧ.

Езекиль 9:10

Та вӧсна Ме ог жалит найӧс, ог бурсьӧлӧмтчы на дінӧ. Ме мынтыся налы олан туйныс серти».

Ӧксыяслӧн 4 небӧг 21:15

Тадзи вӧча Аслам войтыркӧд, мыйла батьясныслӧн Египетысь петӧмсянь найӧ ӧнӧдз вӧчӧны Ме водзын шогмытӧмсӧ да тайӧн скӧрмӧдӧны Менӧ».

Бӧрданкыв 1:16

Та вӧсна ме бӧрда, синваӧй шорӧн визувтӧ. Ылын меысь бурӧдысьӧй, коді эськӧ ловзьӧдіс менӧ. Челядьӧс пасьвартӧма, ӧд вӧрӧг вӧлі вынаджык.