Бӧрданкыв 1:21 - Коми Библия 2023

²¹ Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Бӧрданкыв 1:21 Referans Kwoze

Бӧрданкыв 1:8

Ыджыд мыж вӧчис Ерусалим, та вӧсна сійӧс ӧтдортӧны. Сійӧс пыдди пуктысьяс ӧні мустӧмтӧны сійӧс, ӧд аддзӧны сылысь яналӧмсӧ. Чужӧмсӧ бергӧдӧмӧн Ерусалим сьӧкыда ышлолалӧ.

Бӧрданкыв 2:15

Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Бӧрданкыв 1:22

Став налӧн лёк вӧчӧмыс мед сувтас Тэнад чужӧмбан водзӧ. Вӧч накӧд сійӧ, мый Тэ вӧчин мекӧд став менам мыжъясысь. Ме дугдывтӧг ойза, менам сьӧлӧмӧй дойысла потӧ.

Бӧрданкыв 1:16

Та вӧсна ме бӧрда, синваӧй шорӧн визувтӧ. Ылын меысь бурӧдысьӧй, коді эськӧ ловзьӧдіс менӧ. Челядьӧс пасьвартӧма, ӧд вӧрӧг вӧлі вынаджык.

Еремей 50:11

Ті, Менсьым войтырӧс куштысьяс, гажӧдчинныд-нимкодясинныд, видз вылӧ лэдзӧм кукань моз ризъялінныд, тышӧ петысь вӧв моз корскинныд.

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Бӧрданкыв 1:2

Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.

Еремей 51:24

Израиль войтыр, тіян син водзын Ме мынтыся Вавилонлы да Калдея муын олысьяслы став лёксьыс, мый найӧ вӧчисны Сионын, – висьталӧ Господь.

Восьтӧм 18:6

Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.

Йоиль 3:14

Унасьыс-уна йӧз чукӧртчӧма мыждан ковтысӧ, ӧд Господьлӧн луныс матыстчӧ ковтыслань.

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

Еремей 51:49

Кыдзи Вавилон пасьвартіс израильсаясӧс, и найӧ усисны, тадзи Вавилон муын усясны пасьвартӧмаяс.

Еремей 50:31

Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.

Еремей 50:29

Чуксалӧй Вавилонлы паныд ньӧввужйӧн лыйсьысьясӧс, кытшалӧй Вавилон кар, медым некод эз пышйы сэтысь. Мынтысьӧй сылы уджъясыс серти, вӧчӧй сыкӧд сідзи, кыдзи сійӧ вӧчис. Ӧд сійӧ кыпӧдчис Господьлы паныд, Израильлӧн вежа Енлы паныд.

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Еремей 48:27

Моав, эн-ӧ тэ серав Израиль вылын? Тэ ӧд сійӧс эн кут гусясьысьяс пӧвстысь, но сы йылысь сёрнитігӧн юрнад довкйӧдлан.

Еремей 30:16

Но тэнӧ бырӧдысьясӧс лоӧ бырӧдӧма, тэнӧ дзескӧдысьясӧс лоӧ нуӧдӧма пленӧ, тэнсьыд мырддялысьяслысь лоӧ мырддьӧма, тэнӧ куштысьясӧс Ме кушта.

Псалтыр 37:13

Менсьым олӧмӧс корсьысьяс октӧны меным нальк, меным лёксӧ вӧчны кӧсйысьяс мӧвпалӧны менӧ виӧм йылысь, найӧ быд лун наяна сёрнитӧны меным паныд.

Исай 14:5

Господь чегъяліс лёк вӧчысьяслысь бедьсӧ, жугӧдіс ыджыдалысьяслысь юралан бедьсӧ.

Исай 14:6

Тайӧ бедьнас найӧ лёкысь нӧйтісны войтыръясӧс, дугдывтӧг вачкалісны найӧс, скӧрлунӧн ыджыдалісны на вылын, нем жалиттӧг дзескӧдісны найӧс.

Бӧрданкыв 2:16

Тэнӧ мустӧмтысьяс жеръялӧны тэ вылын, шутьлялӧны, пиньнысӧ йирӧмӧн шуалӧны: «Ми ньылыштім сійӧс! Ми ёна виччысим тайӧ лунсӧ, а ӧні аддзам сійӧс!»