Бӧрданкыв 1:1 - Коми Библия 2023

¹ Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Бӧрданкыв 1:1 Referans Kwoze

Ездра 4:20

Ерусалим вылын ыджыдалӧмаӧсь вына ӧксыяс. На улын вӧлӧма став Авар-Нахара муыс, и сэтчӧс олысьясыс налы мынтылӧмаӧсь вот.

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Исай 54:4

Эн пов, водзӧ тэнӧ некод оз кут янӧдны, эн майшась, тэныд оз ло юръяндзим. Тэ вунӧдан томдырся яналӧмтӧ, он нин кут казьтывны дӧва кадся увтыртӧмтӧ.

Софоний 2:15

Татшӧмӧн лоӧ кар, кӧні йӧзыс гажӧдчылісны, тӧждысьтӧг олісны, ас пытшканыс шуалісны: «Миян кар кодь мӧдыс абу». Но ӧні сійӧ лои киссьӧм карӧн, зверъяслы – дзебсянінӧн. Сы дінті мунысьяс пондасны шутьлявны, кинас швачӧдны боканыс.

Бӧрданкыв 5:16

Юркытшным усис миян юр вылысь. Курыд шог миянлы мыж вӧснаным!

Исай 22:2

Тэ ёна шызьӧмыд, ызгысь-гажӧдчысь кар. Тэнад тышкайӧзыд эз шыпурт помысь кувны, эз тышын усьны.

Ӧксыяслӧн 4 небӧг 23:35

Ехояким мынтіс фараонлы эзысь да зарни. Медым сетны фараонлы сьӧм сылӧн корӧм серти, Ехояким ӧксы перйис аслас войтырыслысь вот. Быд мортлысь сійӧ чукӧртіс эзысь да зарни сылысь овмӧссӧ донъялӧм серти, сэсся чукӧртӧмасӧ сетіс фараонлы.

Восьтӧм 18:7

Мӧдӧдӧй сылы шогсӧ да мучитчӧмсӧ сы мында, мыйта сійӧ курыштіс аслыс озырлунсӧ да ошкӧмсӧ. Ӧд сійӧ ошйысьӧ ас йывсьыс: «Ме – ӧксы-ань, пукала юралан пуклӧсын, ме абу дӧва, шогсӧ ог тӧд».

Езекиль 26:16

Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Бӧрданкыв 4:1

Кутшӧма чусмӧма зарниыс, сӧстӧм зарни воштӧма дзирдсӧ! Вежаинысь изъяссӧ шыблалӧма туйвежъясӧ.

Бӧрданкыв 2:10

Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Еремей 50:23

Став мусӧ пазӧдысь мӧлӧтӧс жугӧдӧма-чегӧма! Вавилон лои повзьӧдчанторйӧн войтыръяс пӧвстын.

Еремей 40:9

Гедалий, Шафан Ахикамлӧн пиыс, кыв сетӧмӧн шуис веськӧдлысьяслы да налӧн тышкайӧзлы: «Энӧ полӧй кесъявны калдеяса юралысьяслы. Кольччӧй тайӧ муас да кесъялӧй вавилонса ӧксылы. Сэки тіянлы лоӧ бур.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Исай 52:2

Пыркӧд ас вывсьыд буссӧ, чеччы, пленӧ босьтӧм Ерусалим! Шыбит сьылі вывсьыд чептӧ, пленӧ босьтӧм Сион ныв!

Исай 14:12

Тэ усин енэжсяньыс, тэ, югыд асъя кодзув, асъя кыаыслӧн пи. Тэ, войтыръясӧс дзескӧдысь, муас усигӧн тэ пасьмунін.

Псалтыр 122:4

Миянӧс тырмымӧн нин лёкӧдісны ышнясьысьяс, увтыртісны вылӧ кыпӧдчысьяс.

Неемий 9:37

Тайӧ му вывсьыс быдтасыс вичмӧ ӧксыяслы, кодъясӧс Тэ пуктін ыджыдавны миян вылын асланым мыжъяс вӧсна. Миян вылын да ыж-мӧсным вылын найӧ ыджыдалӧны, кыдзи кӧсйӧны. Ми ёна сьӧкыдалам.

Неемий 5:4

Кодсюрӧ шуалісны: «Ми сетам ассьыным муяс да виноград йӧръяс, медым уджйӧзӧн босьтны сьӧм да мынтыны ӧксылы вот.

Ӧксыяслӧн 4 небӧг 23:33

Хамат муын Ривла карын Неко фараон пуксьӧдіс Иохазӧс дзескыдінӧ, тадзи вештіс сійӧс Ерусалимын ӧксыалӧмысь. Иуда войтырлы фараон тшӧктіс мынтыны вот – сё талант эзысь да [сё] талант зарни.

Исай 50:5

Господь Ыджыдыс восьтіс менсьым пельӧс, и ме эг пыксьы, эг бӧрыньтчы.

2 Каднебӧг 9:26

Ефрат юсянь Филистим муӧдз да Египетӧдз став ӧксыыс вӧліны Соломон кипод улынӧсь.

Исай 49:21

Тэ чуйман: «Коді меным чужтіс найӧс? Менам эз вӧвны челядьӧй, ме вӧлі нӧбасьны вермытӧмӧн, ме вӧлі пленын, чужан муысь ылын. Коді нӧ быдтіс найӧс? Ме вӧлі ӧтка – кытысь нӧ лоины найӧ?»

Еремей 31:7

Господь тадзи висьталӧ: – Долыда сьылӧй Яковлӧн рӧд йылысь, гораа ошкӧй медыджыд войтырӧс. Юӧртӧй, ошкӧмӧн шуалӧй: «Господьӧй, мезды Ассьыд войтыртӧ, Израильлысь коляссӧ!»

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Езекиль 5:5

Господь Ыджыдыс тадзи висьталӧ: тайӧ ставыс Ерусалим йылысь. Ме сувтӧді сійӧс войтыръяс пӧвстӧ, а сы гӧгӧр паськӧді войтыръяслысь муяссӧ.

Левит 26:31

Каръяснытӧ Ме пасьварта, вежаинъяснытӧ бырӧда, чӧскыда ӧвтан висьяснытӧ ог сибӧд.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Еремей 44:2

«Господь Саваоф, Израильлӧн Ен, тадзи висьталӧ: ті аддзылінныд став шогсӧ, мый Ме мӧдӧді Ерусалимлы да мукӧд иудаса каръяслы. Ӧні сэні из чукӧръяс, и олысьыс абу.

Еремей 44:6

Та вӧсна киссис Менам скӧрлунӧй да ярлунӧй, кутіс ыпъявны иудаса каръясын да ерусалимса уличьяс вылын. Ӧнӧдз тайӧ каръясыс – из чукӧр да овтӧмин.

Бӧрданкыв 1:19

Ме кори муса ёртъясӧс отсавны, но найӧ пӧрйӧдлісны менӧ. Попъяс да юрнуӧдысьяс корсьӧны кынӧмпӧт, медым ловйӧн кольны, но тшыгнысла найӧ кулӧны карас.

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.