Аввакум 3:2 - Коми Библия 2023

² Господьӧй, ме кылі Тэ йылысь, ме повзи Тэнад уджъясысь. Вӧч Ассьыд уджъястӧ тшӧтш миян лунъясӧ, сет бара аддзывны найӧс талун. Скӧралігад ло бур сьӧлӧма миян дінӧ.

Аввакум 3:2 Referans Kwoze

Псалтыр 85:6

Господьӧй, кыв менсьым кевмӧмӧс, кывзы менсьым кевмысьӧмӧс.

Бӧрданкыв 3:32

Мӧдӧдӧ кӧ шогсӧ, Сійӧ и бурсьӧлӧмтчӧ, ӧд Сылӧн бурлуныс ыджыд.

Аввакум 3:16

Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.

Филипӧ 1:6

Енмыс панӧма нин бур уджсӧ тіян пытшкын, и ме эска, мый Исус Кристослӧн локтан лунӧдз Сійӧ вайӧдас уджсӧ помӧдз.

Еремей 10:24

Господьӧй, мыжды менӧ, но мыжды менӧ веськыда. Эн мыжды менӧ скӧралігад, медым эн бырӧд менӧ!

Исай 63:15

Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Исай 54:8

Скӧрлунӧй ыпнитігӧн Ме кад кежлӧ бергӧдчи тэысь, но Ме кута буравны тэ дінӧ, лоа помтӧг бур сьӧлӧма тэ дінӧ, – висьталӧ Господь, тэнӧ Мездысь.

Иоан 10:10

Гусясьысь локтӧ сӧмын гусявны, вины да бырӧдны. А Ме локті сетны олӧм, тырвыйӧ олӧм.

Псалтыр 44:1

Сьылысьясӧн веськӧдлысьлы. Сьылӧны ”Шушан” шылад улӧ. Корей пиянлӧн сьыланкыв. Муслун йылысь.

Закар 1:12

Сэки андел шыасис Господь дінӧ: «Господь Саваоф, дыр-ӧ на Тэ он бурсьӧлӧмтчы Ерусалим да мукӧд Иуда каръяс дінӧ? Сизимдас во нин Тэ скӧралан на вылӧ».

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Псалтыр 38:1

Едутунлы, сьылысьяслӧн веськӧдлысьлы. Давидлӧн псалом.

Ездра 9:8

Но дженьыд кад кежлӧ Господь, миян Енным, петкӧдліс Ассьыс буралӧмсӧ миян дінӧ. Сійӧ мездіс миян войтырлысь коляссӧ да лэдзис миянлы бӧр овмӧдчыны Аслас вежа карӧ. Миян Енным сетіс югъявны миян синъяслы, кесйӧг туйын оліганым сетіс миянлы ловзьыштны.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Римӧ 10:16

Но эз ставныс кывзыны Бур Юӧрсӧ. Исай шуӧ: «Господьӧй, коді эскис миян висьталӧмӧ?»

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Исай 53:1

Коді эскис миян висьталӧмӧ? Кодлы петкӧдчис Господьлӧн вына киыс?

Еврейяслы 11:7

Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.

Даниил 8:17

Гавриил матыстчис сэтчӧ, кӧні ме сулалі. Сэки ме ёна повзи да кымынь уськӧдчи муас. Сійӧ шуис меным: «Мортӧй, тӧд, мый тэнад аддзылӧмыд бӧръя кад йылысь».

Еврейяслы 12:21

Тайӧ аддзывлӧмторйыс вӧлі сэтшӧм повзьӧдана, весиг ачыс Мӧисей шуис: «Менӧ дзӧрӧдӧ полӧмӧйла».

Иов 42:5

Енмӧй, таӧдз ме сӧмын пель йылӧн Тэ йылысь кывлі, а ӧні аддза Тэнӧ.

Псалтыр 71:20

Тайӧн помасьӧны Давидлӧн, Ессей пилӧн, кевмысьӧмъясыс. Ошкӧм.

Еремей 10:7

Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Аввакум 3:1

Аввакум пророклӧн кевмысьӧм, бӧрдан сьыланкыв.

Псалтыр 25:6

Господьӧй, ме мыжтӧм, мыська киӧс да кута ветлӧдлыны Тэнад висьпуктанін гӧгӧр,