Аввакум 2:5 - Коми Библия 2023

⁵ Вылӧ кыпӧдчысь пӧрйӧдлысь вина кодь, сійӧ оз лӧнь, пыдӧстӧминыс моз паськӧдӧ вомсӧ, кулӧмыс моз оз пӧтлы, босьтӧ аслас кипод улӧ войтыръясӧс, пуксьӧ ыджыдавны на вылын.

Аввакум 2:5 Referans Kwoze

Шусьӧгъяс 27:20

Пыдӧстӧминыс да кулӧмаяслӧн оланіныс – пӧтлытӧмӧсь, тадзи морт синмыд тшӧтш пӧтлытӧм. [Господьлы зывӧк ыкшаасьысь морт, ковтӧг ассьыс вомсӧ восьталысь – вежӧртӧм.]

Шусьӧгъяс 20:1

Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Исай 21:5

Пызан дасьтӧма, джодждӧраяс вольсалӧма, юралысьяс сёйӧны-юӧны. Чеччӧй, юралысьяс, мавтӧй ассьыныд сайӧднытӧ!

Исай 16:6

Ми кывлім Моавлӧн вылӧ кыпӧдчӧм йылысь – сійӧ этш тӧдтӧг ышнясьӧ! Ми тӧдам сылысь тшаплунсӧ, вывтіасьӧмсӧ да скӧрлунсӧ, сылысь ковтӧм сёрнисӧ.

Исай 5:8

Курыд шог налы, кодъяс ньӧбалӧны керка бӧрся керка, му бӧрся му, быттьӧ му вылас сӧмын найӧ олӧны, мукӧдыслы весиг оланін оз коль.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Еклесиаст 5:10

Кор содӧ овмӧс-эмбурыд, сэки содӧ тшӧтш сёйысьлӧн лыдыс. Мый бурыс таысь овмӧс кутысьлы – сӧмын кольӧ видзӧдны та вылӧ!

Псалтыр 138:6

Тэнад тӧдӧмлуныд шензьӧдӧ менӧ, сійӧ ёна вылын, ме ог вермы сійӧс вежӧрӧ тӧрӧдны.

Ӧксыяслӧн 4 небӧг 14:10

Тэ шуан, мый пасьвартін эдомсаясӧс, и таысь тэ ышнясян да вылӧ кыпӧдчан. Пукав гортад, эн корсь аслыд шогсӧ, сэки тэ да тэкӧд тшӧтш Иуда войтырыд онӧ усьӧй».

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

1 Фессалоникаӧ 4:11

Зільӧй овны лӧня. Быдӧн мед вӧчӧ ассьыс удж, ас ки помысь шедӧдӧ олӧм вылас. Тадзи ми велӧдлім тіянӧс.

Аввакум 2:4

Эскытӧм морт абу веськыд, а веськыда олысь эскӧмнас кутас овны.

Еремей 51:39

Кор найӧ пузясны, Ме дасьта налы гажӧдчӧм, юктӧда найӧс коддзытӧдзныс, медым найӧ нимкодясисны, сэсся пыр кежлӧ унмовсисны, и эз нин садьмыны, – висьталӧ Господь.

Еремей 50:29

Чуксалӧй Вавилонлы паныд ньӧввужйӧн лыйсьысьясӧс, кытшалӧй Вавилон кар, медым некод эз пышйы сэтысь. Мынтысьӧй сылы уджъясыс серти, вӧчӧй сыкӧд сідзи, кыдзи сійӧ вӧчис. Ӧд сійӧ кыпӧдчис Господьлы паныд, Израильлӧн вежа Енлы паныд.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Шусьӧгъяс 21:24

Ыкша да наян мортӧс шуӧны омӧльтысьӧн, этшсьыс петмӧнъя сійӧ вылӧ пуксьӧ.

Исай 5:14

Пыдӧстӧминыс воссяс, сійӧ паськыда восьтас ассьыс горшсӧ да ньылыштас нималана йӧзӧс и озыръясӧс, сійӧ ньылыштас став гажӧдчысь йӧзсӧ.

Исай 14:6

Тайӧ бедьнас найӧ лёкысь нӧйтісны войтыръясӧс, дугдывтӧг вачкалісны найӧс, скӧрлунӧн ыджыдалісны на вылын, нем жалиттӧг дзескӧдісны найӧс.

Аввакум 1:15

Калдея войтыр кыйӧ йӧзсӧ вугырӧн, кӧвтӧ ботанӧн, тывйыштӧ тывйӧн, сэсся таысь нимкодясьӧ-гажӧдчӧ.

Аввакум 1:17

Дугдывтӧг ӧмӧй сійӧ кутас тывъявны, жалиттӧг бырӧдны войтыръясӧс?