Аввакум 2:10 - Коми Библия 2023

¹⁰ Уна войтырӧс бырӧдӧмнад тэ янӧдін ассьыд рӧдтӧ, тэ мыж вӧчин, и таысь мынтысян олӧмнад.

Аввакум 2:10 Referans Kwoze

Наум 1:14

Ниневия кар йылысь Господь тадзи шуӧ: – Тэнад нимыд бырас, водзӧ чужысьясыд оз лоны. Тэнад крамысь Ме жугла идолъястӧ да бӧлбанъястӧ, дасьта тэнӧ гуаланін, ӧд тэ нинӧм кодь.

Ӧксыяслӧн 4 небӧг 9:26

”Тӧрыт Ме аддзылі Навотлысь да пияныслысь вирсӧ, – висьталӧ Господь. – Тані Ме водзӧс перъя тэнсьыд на вӧсна, – висьталӧ Господь”. Сідзкӧ, босьт да шыбит Иорамлысь шойсӧ тайӧ видз-му вылас».

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Аввакум 2:16

Тэ пӧтмӧныд яналан, ошкӧмыс тэныд оз ло. Ӧні ю – мед пасьтӧгыд тэнӧ аддзасны. Господь кисьтас Ассьыс скӧрлуна дозсӧ тэ вылӧ, нималӧм пыдди тэныд лоӧ яналӧм.

Еремей 36:31

Ме мыжда Ехоякимӧс, сылысь челядьсӧ да сылы кесъялысьясӧс налӧн лёк вӧчӧмысь. Ме мӧдӧда на вылӧ, Ерусалимын олысьяс да Иуда войтыр вылӧ став сійӧ шогсӧ, мый Ме шуи мӧдӧдны, но найӧ эз кывзыны».

Еремей 26:19

Но Езекей ӧксы да Иуда войтыр ӧмӧй виисны пророкӧс? Езекей ӧксы поліс Господьысь да кевмис Господьӧс бурсьӧлӧмтчыны. Та вӧсна Господь вежис Ассьыс шуӧмсӧ да эз вӧч сійӧ лёксӧ, мый шуис вӧчны налы. А ми ыджыд лёктор вӧчам аслыным».

Еремей 22:30

Господь тадзи висьталӧ: Еконей йылысь гижӧй, мый сылӧн ныв-пиыс эз вӧв, став олӧм чӧжыс сылӧн нинӧм эз артмы, ӧд сысянь чужысь оз пуксьы Давидлӧн юралан пуклӧсӧ, оз кут юравны Иуда муын.

Исай 33:11

Ті нӧбасянныд кос турунӧн, чужтанныд идзас. Тіян ловшыныд би моз сотас асьнытӧ.

Шусьӧгъяс 8:36

Меным паныд мыж вӧчысь аслыс лёксӧ вӧчӧ, менӧ мустӧмтысь кулӧмсӧ радейтӧ».

Шусьӧгъяс 1:18

а тайӧ йӧзыс ассьыныс вирсӧ кисьтны дасьӧсь, асланыс ловлы лэчсӧ пуктӧны.

Ӧксыяслӧн 4 небӧг 10:7

Гижӧдсӧ лыддьӧм бӧрын карса веськӧдлысьяс виисны ӧксылысь сизимдаснан писӧ. Налысь юрсӧ пуктісны чуманъясӧ да ыстісны Ехулы Изреельӧ.

Ӧксыяслӧн 3 небӧг 2:23

Соломон ӧксы кыв сетіс Господь водзын, сійӧ шуис: «Енмыс мед чорыда мыждас менӧ, оз кӧ Адоний мынтысь олӧмнас аслас корӧмысь.

Лыд 16:38

Тшынӧдчан дозъяссӧ налысь, кодъяс кулісны асланыс мыж вӧсна, мед лямӧдасны листъясӧ. Наӧн мед эжасны висьпуктанін, ӧд дозъясыс лоины вежаӧсь, кор найӧс вайисны Господь водзӧ. Лямӧдӧм дозъясыс мед лоӧны ӧлӧданпасӧн Израиль пиянлы».

Шусьӧгъяс 20:2

Ӧксылӧн скӧрлуныс левлӧн равзӧм кодь, сійӧс дӧзмӧдысьыс лёксӧ аслыс вӧчӧ.

Еремей 44:7

Ӧні Господь Ен Саваоф, Израильлӧн Ен, тадзи висьталӧ: ті аслыныд паныд вӧчанныд тайӧ ыджыд лёкторсӧ – бырӧданныд Иуда войтырысь айуловӧс да аньясӧс, челядьӧс да пузчужӧм кагаясӧс. Тадзи тіян пӧвстысь некод ловйӧн оз коль.