Авдий 1:3 - Коми Библия 2023

³ Вылӧ кыпӧдчӧмыд ылӧдліс тэнӧ. Изкарын моз тэ олан джуджыд керӧсъяс вылын, тэ мӧвпалан ас йывсьыд: «Некод оз вермы шыбитны менӧ му вылӧ».

Авдий 1:3 Referans Kwoze

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Шусьӧгъяс 29:23

Мортлӧн асьсӧ вылӧ пуктӧмыс янӧдӧ сійӧс, рам сьӧлӧма пыдди пуктӧма лоас.

Исай 16:6

Ми кывлім Моавлӧн вылӧ кыпӧдчӧм йылысь – сійӧ этш тӧдтӧг ышнясьӧ! Ми тӧдам сылысь тшаплунсӧ, вывтіасьӧмсӧ да скӧрлунсӧ, сылысь ковтӧм сёрнисӧ.

Ӧксыяслӧн 4 небӧг 14:7

Амасей пасьвартіс Сола ковтысын дас сюрс эдомса тышкамортӧс. Сійӧ босьтіс налысь Села кар да сетіс сылы выль ним – Иоктеэл. Тайӧ карыс ӧнӧдз тадзи шусьӧ.

Малакий 1:4

Эдом войтыр кӧ шуас, миянлысь каръяснымӧс пӧ жугӧдӧма-пазӧдӧма, но ми пӧ выльысь лэптам найӧс, Господь Саваоф сэки воча шуас: – Мед найӧ выльысь лэптасны, а Ме жугӧда. Налысь мусӧ нимтасны пеж муӧн, найӧс шуасны войтырӧн, кодӧс Господь ёрӧма пыр кежлӧ.

Еремей 49:4

Мыйла ті ошйысянныд асланыд ковтысъясӧн? Эскытӧм войтыр, тіян ковтысын пондас киссьыны вир. Ті лача кутанныд асланыд озырлун вылӧ, шуаланныд, некод пӧ оз уськӧдчы миян вылӧ.

Шусьӧгъяс 18:12

Озырлы аслас эмбурыс изкар кодь, озырлуныс сылы джуджыд потшӧс кодь.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

2 Каднебӧг 25:12

а дас сюрс мортӧс босьтісны пленӧ. Сэсся вайӧдісны найӧс изкырта вылӧ да тойыштісны сэсянь. Ставныс найӧ пасьмунісны.

2 Каднебӧг 25:11

Амасей веніс ассьыс полӧмсӧ да нуӧдіс тышкайӧзсӧ Сола ковтысӧ. Сэні иудаса тышкайӧз виисны дас сюрс сеирса тышкамортӧс,

Иов 20:6

Весиг кӧ сійӧ быдмас енэжӧдз, юрнас люкасяс кымӧръясӧ,

Еремей 21:13

Ӧні Ме сувта тэныд паныд, ковтысын сулалысь кар, вывтасінын сулалысь изкырта, – висьталӧ Господь. – Ме сувта тіянлы паныд, кодъяс шуанныд, некод пӧ оз вермы петны тышӧ миянлы паныд, некод пӧ оз пыр миян сайӧдчанінӧ.

Еремей 37:9

Господь тадзи висьталӧ: энӧ ылӧдлӧй асьнытӧ, энӧ шуалӧй, калдеяса тышкайӧз пӧ вешъясны миян дінысь. Найӧ оз мунны.

Еремей 48:28

Моавын олысьяс, эновтӧй ассьыныд каръяснытӧ, олӧй изкыртаясын, гулюяс моз вӧчӧй познытӧ кырта горсъясӧ.

Олӧм 36:8

Исав, мӧд ногӧн кӧ, Эдом, овмӧдчис Сеир керӧсвыв муӧ.

Езекиль 28:16

Тэ ёна вузасин, тырин виалӧм-дзескӧдӧмӧн. Тэ мыж вӧчин. Та вӧсна тэ лоин Меным шогмытӧмӧн, и Ме шыбиті тэнӧ, видзысь херувимӧс, Енлӧн керӧс вылысь, би моз югъялысь дона изъяс пӧвстысь.