Авдий 1:17 - Коми Библия 2023

¹⁷ А Сион керӧс вылӧ пышйысьяс мездмасны, сійӧ лоӧ вежаинӧн. Яковсянь чужысьяслы бӧр вуджас налӧн муыс.

Авдий 1:17 Referans Kwoze

Восьтӧм 21:27

Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.

Амос 9:8

Ме, Господь Ыджыдыс, видзӧдла мыжа войтыр вылӧ да бырӧда найӧс му вылысь. Но Яковлысь рӧдсӧ Ме ог ставнас бырӧд, – висьталӧ Господь. –

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Исай 46:13

Ме мӧдӧді веськыдлунсӧ, сійӧ матын нин. Ме мӧдӧді мездӧмсӧ, сійӧ оз сёрмы. Ме сета Сионлы мездмӧмсӧ, Израильлы – Ассьым дзирдлунӧс.

Исай 1:27

Сион мездмас веськыда вӧчӧмнас, мыжысь бергӧдчӧм войтыр – веськыда олӧмнас.

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.

Еремей 44:28

Сӧмын этшаӧн пышъясны шыпуртысь да бергӧдчасны Египетысь Иуда муӧ. Сэки Египетӧ овмӧдчӧм Иуда войтырлӧн колясыс тӧдмалас, кодлӧн кывйыс инӧ: Менам али налӧн.

Еремей 44:14

Иудалӧн коляс войтыр пӧвстысь, кодъяс овмӧдчисны Египетӧ, некод оз мездмы, ловйӧн оз коль. Найӧ бӧр оз бергӧдчыны Иуда муӧ, кытчӧ ёна кӧсйӧны бӧр локны, медым овны сэні. Сӧмын некымын морт пышъясны Египетысь».

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Исай 4:2

Сійӧ лунӧ Господьлӧн петасыс петкӧдчас став аслас мичлуннас да дзирдлуннас. Мулӧн вотӧсыс лоӧ ошйысянторйӧн да мичмӧданторйӧн Израильлӧн коляс войтырлы.

Закар 8:12

Кӧдзӧмаыс быдмас, виноград пу ваяс вотӧс, муыс сетас быдтас, енэжыс юкталас лысваӧн. Ставсӧ тайӧс Ме сета Аслам коляс войтырлы.

Исай 65:9

Ме сета Яковсянь чужны войтырлы, Иудасянь чужысьяслы вичмасны Менам керӧсъяс. Найӧ вичмасны Менам бӧрйӧмаяслы, Менам кесйӧгъяс пондасны овны сэні.

Еремей 31:23

Господь Саваоф, Израильлӧн Ен, тадзи висьталӧ: «Кор Ме бӧр бергӧда Иуда войтырӧс пленысь, Иуда муын да иудаса каръясын бара кутасны шуавны: ”Мед Господь бурсиас тэнӧ, вежа керӧс, веськыдлуныслӧн оланін!”

Езекиль 36:12

Ме вайӧда Израиль керӧсъяс вылӧ йӧзӧс, и найӧ кутасны ветлӧдлыны сэті. Менам Израиль войтыр босьтас аслыс тайӧ мусӧ, мый вичмӧдӧма сылы. Тайӧ муыс оз нин вай сылы кулӧм.

Даниил 7:18

Но юралӧмсӧ босьтас Медвылыссалӧн вежа войтырыс, и найӧ пондасны юравны помтӧг и нэмъяс чӧж».

Йоиль 3:5

Ті гусялінныд Менсьым эзысь-зарниӧс, нуинныд Менсьым донаторъяс асланыд юрбитанінъясӧ.