Авдий 1:15 - Коми Библия 2023

¹⁵ Но матыстчӧ Господьлӧн луныс, став войтыръясӧс мыждан лун. Кыдзи тэ, Эдом, вӧчин, сідзи жӧ тэкӧд вӧчасны, тэнад вӧчӧмторъясысь водзӧс перъясны.

Авдий 1:15 Referans Kwoze

Аввакум 2:8

Кыдзи тэ куштін войтыръясӧс, тадзи жӧ войтыръяс пӧвстысь колясыс вӧчас тэкӧд. Йӧзлысь вирсӧ кисьтӧмысь, муяссӧ, каръяссӧ да сэтчӧс олысьяссӧ бырӧдӧмысь найӧ тэнӧ асьтӧ куштасны.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Микей 5:15

Скӧралӧмӧн да лӧгпырысь Ме водзӧс перъя кывзысьтӧм войтыръяслысь.

Еремей 50:29

Чуксалӧй Вавилонлы паныд ньӧввужйӧн лыйсьысьясӧс, кытшалӧй Вавилон кар, медым некод эз пышйы сэтысь. Мынтысьӧй сылы уджъясыс серти, вӧчӧй сыкӧд сідзи, кыдзи сійӧ вӧчис. Ӧд сійӧ кыпӧдчис Господьлы паныд, Израильлӧн вежа Енлы паныд.

Псалтыр 137:8

Господь мынтысяс ме пыдди. Господьӧй, Тэнад буралӧмыд оз помасьлы. Аслад киӧн вӧчӧмтортӧ эн эновт!

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Езекиль 35:15

Тэ нимкодясин, кор Израиль войтырлӧн муыс овтӧммис. Но Ме тадзи жӧ вӧча тэныд. Тэ, эдомсаяслӧн Сеир керӧсвыв му, лоан овтӧминӧн. Сэки ставныс тӧдмаласны, мый Ме – Господь».

Еремей 49:12

Господь тадзи висьталӧ: «Тайӧ чашасьыс кутасны юны весиг найӧ, кодъясӧс абу мыждӧма сэтысь юны. Эдом, тэ ӧмӧй мыждытӧг колян? Он коль, тэныд ковмас юны тайӧ чашасьыс.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Иов 24:1

Мыйла Ставсӧвермысь абу индӧма мыждан кадъяссӧ, мыйла Сійӧс тӧдысьяс оз аддзыны Сылысь мыждан лунъяссӧ?

Еремей 51:56

Куштысь-бырӧдысь уськӧдчас Вавилон вылӧ, вавилонса тышкайӧзӧс лоӧ босьтӧма, налысь ньӧвъяссӧ лоӧ чегъялӧма, ӧд Господь – водзӧс перйысь Ен, Сійӧ мынтысяс налы.

Езекиль 35:11

Та вӧсна Ме Ачым кыв сетӧмӧн шуа, – висьталӧ Господь Ыджыдыс, – мый Ме мынтыся тэныд сыысь, мый тэ Израиль войтырӧс мустӧмтін, вежалін да лёк вӧчин налы. Ме восьта Ачымӧс Израиль войтырлы, кор тэнӧ кута мыждыны.

Йоиль 2:1

– Буксӧй буксанӧн Сионын, гораа горзӧй Менам вежа керӧс вылын! Тіралӧй-дзӧрӧй, тайӧ муас олысьяс, ӧд Господьлӧн луныс локтӧ, сійӧ матын нин.

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?

Амос 5:18

Курыд шог сылы, коді Господьлысь лунсӧ виччысьӧ! Бур вылӧ-ӧ тіянлы Господьлӧн луныс лоӧ? Сійӧ пемыд лоӧ, оз югыд.

Амос 5:20

Господьлӧн луныс пемыд, абу югыд. Сылӧн луныс сап пемыд, весиг чут мында абу югыдыс.

Эсфир 9:25

Но кор Эсфир локтіс ӧксы водзӧ, ӧксы тшӧктіс гижны выль гижӧд, медым лёкыс, мый Аман кӧсйис вӧчны иудейяслы, сылы аслыс бергӧдчас, и медым сійӧс пияныскӧд ӧшӧдасны пу сюръя вылӧ.

Шусьӧгъяс 5:22

Лёк вӧчысьӧс сылӧн вӧчӧмторъясыс кыйӧны, мыжыслӧн кӧртӧдӧ сійӧ ачыс шедӧ.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.