Ап. уджъяс 9:35 - Коми Библия 2023

³⁵ Лиддаын да Шаронын олысьяс ставныс аддзылісны тайӧс да бергӧдчисны Господьлань.

Ап. уджъяс 9:35 Referans Kwoze

Ап. уджъяс 11:21

Господь вӧлі накӧд, та вӧсна унаӧн эскисны да бергӧдчисны Господь дінӧ.

Ап. уджъяс 9:42

Та йылысь кывсис став Иоппия пасьтала, и унаӧн сэки эскисны Господьлы.

1 Каднебӧг 5:16

Гадсянь чужысьяс олісны Галаад да Васан муясын, тайӧ муяслӧн киподувса сиктъясын да Шарон гӧгӧрса став видз вылын.

Исай 35:2

Сійӧ пондас мичаа дзоридзавны, нимкодясьны да долыда гажӧдчыны, пондас нимавны Ливан моз, лоӧ Кармил керӧс да Шарон ласта кодь мича. Став йӧзыс аддзасны Господьлысь дзирдлунсӧ, миян Енлысь вынсӧ.

2 Коринфӧ 3:16

Но мортыс кӧ бергӧдчӧ Господь дінӧ, сэки вевттьӧдыс босьтсьӧ.

1 Каднебӧг 27:29

Шаронын йирсьысь ӧш-мӧс вӧсна кывкутіс шаронса Шитрай, а ковтысын йирсьысь ӧш-мӧс вӧсна кывкутіс Адлайлӧн Шафат пиыс.

Ап. уджъяс 19:20

Тадзи ыджыд вынӧн паськаліс да зумыда вужъясис Господьлӧн кывйыс.

Ап. уджъяс 19:10

Кык во чӧж Павел велӧдіс сэні. Тадзи Асияын став олысьыс, иудейяс и грекъяс, кылісны Господь Исус йылысь.

Ап. уджъяс 15:19

Та вӧсна ме чайта, оз ков сьӧктӧдны мукӧд войтыръяс пиысь Енлань бергӧдчӧмаясӧс.

Ап. уджъяс 6:7

Енлӧн кывйыс паськаліс да велӧдчысьяслӧн лыдыс Ерусалимын ёна содіс, весиг попъяс пӧвстысь унаӧн кутісны эскыны.

Ап. уджъяс 4:4

А кывзысьяс пӧвстысь унаӧн эскисны, и вокъяслӧн лыдыс содіс вит сюрсӧдз.

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Осий 12:6

Израиль, бергӧдчы аслад Ен дінӧ. Видз Ен дінӧ муслунтӧ да ов веськыда, быд кадӧ лача кут аслад Ен вылӧ.

Бӧрданкыв 3:40

Тӧдмаламӧй ассьыным туйнымӧс, медым бергӧдчыны Господь дінӧ.

Исай 66:8

Коді кывліс татшӧмторйыс йылысь, коді аддзыліс татшӧмторсӧ? Му ӧмӧй артмӧ ӧти лунӧн, войтыр ӧмӧй чужӧ ӧти здукӧн? Но Сион нывлӧн сӧмын на заводитчис чужтан дойыс, а сійӧ чужтіс нин пиянсӧ.

Исай 65:10

Менам войтырлы, коді корсьысьӧ Менӧ, Шарон ласта лоӧ ыжъяслы йирсянінӧн, Акор ковтыс – мӧсъяслы шойччанінӧн.

Исай 33:9

Муыс шогсьӧ, косьмӧма, ливанса вӧр нюкыртчӧма, сьӧдасьӧма, Шарон ласта лои кушинӧн. Васан ыб вылын да Кармил керӧсъясын кушмӧмаӧсь пуяс.

Исай 31:6

Израиль войтыр, бергӧдчӧй Сы дінӧ, код дінысь ті ёна ылыстчинныд!

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Индӧд 4:30

Шогыс да сьӧкыдалӧмыс суӧм бӧрын ті бӧр бергӧдчанныд Господь Енныд дінӧ да кутанныд кывзысьны Сылысь.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

1 Каднебӧг 8:12

Элпааллӧн вӧліны Эвер, Мишам да Шемед пиян. Шемед кыпӧдіс Оно кар, тшӧтш Лод кар да сыгӧгӧрса сиктъяс.

Ездра 2:33

Лодысь, Хадидысь да Оноысь вӧлі сизимсё кызь вит морт,

Неемий 7:37

Лодысь, Хадидысь да Оноысь – сизимсё кызь ӧти морт,

Неемий 11:35

Лод, Оно да Ге-Харашим.

Ап. уджъяс 2:47

Найӧ ставсьыс ошкисны Енмӧс. Йӧзыс найӧс бурӧ пуктісны, а Господь быд лун содтіс вичкоӧ мездмӧмаясӧс.

Ап. уджъяс 9:34

Петыр шуис сылы: «Эней, Исус Кристос бурдӧдӧ тэнӧ. Чеччы да лӧсьӧд вольпасьтӧ». Сійӧ дзик пыр чеччис.