Ап. уджъяс 9:11 - Коми Библия 2023

¹¹ Господь шуис сылы: «Чеччы да мун Веськыд нима туй вылӧ. Юав Иуда керкаысь Тарсын чужлӧм Савл нима мортӧс. Ӧні сійӧ кевмысьӧ.

Ап. уджъяс 9:11 Referans Kwoze

Ап. уджъяс 22:3

«Ме ачым иудей, чужи Киликияын Тарс карын, но быдми тані. Гамалиэл дорын менӧ велӧдісны батьяслӧн Индӧдӧ да тіян моз ме чорыда сулалі Ен дор.

Ап. уджъяс 21:39

Павел шуис: «Ме иудей, Киликияын нималана Тарс карысь. Кора, лэдз меным кыв шуны йӧзыслы».

Ап. уджъяс 9:30

Тайӧс тӧдмалӧм бӧрын вокъяс нуӧдісны Савлӧс Кесарияӧ, сэсянь мӧдӧдісны Тарсӧ.

Ап. уджъяс 11:25

Сэсся Варнава муніс Тарсӧ корсьны Савлӧс и аддзӧм бӧрас локтіс сыкӧд Антиокияӧ.

Ап. уджъяс 11:13

сійӧ висьталіс миянлы, мый аддзылӧма анделӧс. Андел сувтӧма керка шӧрас да шуӧма сылы, мӧдӧд пӧ йӧзтӧ Иоппияӧ Симонла, кодӧс шуӧны Петырӧн.

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Ап. уджъяс 2:21

И быдӧн, коді шыасяс Господь дінӧ, мездмас.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Индӧд 4:29

Но сэні кӧ кутанныд корсьны Господьӧс, ассьыныд Ентӧ, ті аддзанныд Сійӧс, сӧмын кутанныд кӧ корсьны став сьӧлӧмнад да став олӧмнад.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Ап. уджъяс 8:22

Бергӧдчы аслад лёк вӧчӧмысь да кевмысь Енлы, гашкӧ, Сійӧ прӧститас тэнсьыд лёк мӧвптӧ.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.