Ап. уджъяс 8:24 - Коми Библия 2023

²⁴ Симон воча шуис: «Кевмысьӧй ме вӧсна Господьлы, медым эз су менӧ тіян шуӧмныд».

Ап. уджъяс 8:24 Referans Kwoze

Лыд 21:7

Сэки войтырыс локтіс Мӧисей дінӧ да шуис: «Ми мыжмим, кор шуасим Господь вылӧ да тэ вылӧ. Кевмысь Господьлы, медым Сійӧ ылыстас миян дінысь змейяссӧ». Мӧисей кевмысис Господьлы войтырыс вӧсна.

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.

Иов 42:8

Та вӧсна босьтӧй сизим ӧшкӧс, сизим межӧс да мунӧй Менам Иов кесйӧг дінӧ. Вайӧй ас вӧснаныд сотан вись, а Менам Иов кесйӧгӧй кевмысяс тіян вӧсна. Ме сибӧда сылысь кевмысьӧмсӧ – тадзи тіянӧс ог янӧд сыысь, мый ті энӧ висьталӧй збыльсӧ Ме йылысь, кыдзи вӧчис Менам Иов кесйӧгӧй».

Ӧксыяслӧн 3 небӧг 13:6

Еровам ӧксы шыасис Енлӧн морт дінӧ: «Кевмысь ме вӧсна аслад Господь Енлы, медым Сійӧ бурсьӧлӧмтчас ме дінӧ да бурдӧдас менсьым киӧс». Енлӧн морт кевмысис Господьлы, и ӧксылӧн киыс бурдіс да пондіс важ мозыс куснясьны.

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.

Петӧм 12:32

Босьтӧй аскӧдныд ыж-мӧснытӧ, кыдзи ті шулінныд. Мунӧй да бурсиӧй менӧ!»

Петӧм 10:17

Бара на прӧститӧй менсьым мыжӧс да кевмысьӧй Господьлы, асланыд Енлы, медым Сійӧ вештас ме дінысь тайӧ курыд шогсӧ».

Олӧм 20:7

Ӧні гӧтырсӧ бӧр сет верӧсыслы, ӧд сійӧ пророк. Сійӧ кевмысяс тэ вӧсна, и тэ ловйӧн колян. А он кӧ сет, тэ гортсаыдкӧд кулан».

Ездра 8:23

Ми видзалім да кевмысим Енлы, и Сійӧ кыліс миянӧс.

Ездра 6:10

медым найӧ вермисны вайны енэжвывса Енлы шогмана вись да кевмысьны ӧксы да сылӧн пиян понда.

Ӧксыяслӧн 1 небӧг 12:19

Йӧзыс шуисны Самуиллы: «Кевмысь миян вӧсна Господьлы, аслад Енлы, медым ми, тэнад кесйӧгъяс, эгӧ кулӧй. Ми корим ӧксыӧс, тадзи асланым мыжъяс дінӧ содтім нӧшта ӧти мыж».

Олӧм 20:17

Ӧвраам кевмысис Енлы, и Ен бурдӧдіс Авимелекӧс, сылысь гӧтырсӧ да кесйӧг аньяссӧ. Найӧ бара вермисны чужтыны.

Еремей 37:3

Седекей ӧксы мӧдӧдіс Еремей пророк дінӧ Шелемейлысь Ехукал писӧ да Софоний попӧс, Маасейлысь писӧ, медым найӧ шуисны пророклы: «Кевмысь миян вӧсна Господьлы, миян Енлы!»

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.