50 Ставсӧ тайӧс вӧчӧма Менам киӧн.
– Господьӧй Ыджыдӧй! Аслад ыджыд вынӧн да нюжӧдӧм киӧн Тэ вӧчин енэжсӧ и мусӧ, Тэныд нинӧм абу вермытӧмыс!
«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм.
Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.
Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.
Ме вӧчи мусӧ, вӧчи му вылас йӧзӧс. Менам киӧй шевкнитіс енэжсӧ, Ме веськӧдла енэжвыв вынъясӧн.
Тэ ӧмӧй он тӧд, тэ ӧмӧй эн кывлы, мый Господь – помтӧг олысь Ен, Сійӧ вӧчис став муюгыдсӧ, Сійӧ оз мудз, оз жебмы. Сылысь мывкыдлунсӧ он туяв.
Ӧд квайт лун чӧж Господь вӧчис енэжсӧ, мусӧ, саридзсӧ да ставсӧ, мый сэні эм, а сизимӧд луннас Сійӧ шойччис. Та вӧсна Господь бурсиис шойччан лун да вежӧдіс сійӧс.
Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.
Муюгыдсӧ да ставсӧ вӧчысь Ен, енэжыслӧн да муыслӧн Господь, оз киӧн вӧчӧм крамъясын ов.
