Ап. уджъяс 7:35 - Коми Библия 2023

³⁵ Ен мӧдӧдіс Мӧисейӧс, но Израиль войтыр ӧтдортіс сійӧс, шуис: ”Коді тэнӧ пуктіс ыджыдалысьнас да мыждысьнас?” Но Ачыс Енмыс пуктіс сійӧс ыджыдалысьнас да мездысьнас. Вӧчис тайӧс андел пыр, коді петкӧдчис сылы лежнӧг пытшкын.

Ап. уджъяс 7:35 Referans Kwoze

Лука 19:14

Ас войтырыслы тайӧ мортыс вӧлі мустӧм, та вӧсна бӧрсяньыс найӧ мӧдӧдасны юӧртысьясӧс висьтавны, огӧ пӧ кӧсйӧй, медым сійӧ вӧлі миян ӧксыӧн.

Псалтыр 75:7

Яковлӧн Енмӧй, Тэнад горӧдӧмысь тарантасъяс да вӧвъяс сувтісны.

Лыд 20:16

Но кор ми шыасим Господь дінӧ, Сійӧ кыліс миянӧс да мӧдӧдіс анделсӧ, медым петкӧдны миянӧс Египетысь. Ӧні ми сулалам Кадеш карын, кысянь заводитчӧ тэнад муыд.

Петӧм 14:19

Енлӧн андел, коді муніс Израиль пиян водзвылын, сувтіс на бӧрвылӧ. Водзын мунысь кымӧр сюръяыс кутіс мунны бӧрвыланыс.

Восьтӧм 15:3

да сьылісны Ен кесйӧг Мӧисейлысь да Балялысь сьыланкывсӧ: – Господьӧй Енмӧй, Ставсӧвермысьӧй! Тэнад уджъясыд ыджыдӧсь да шензьӧданаӧсь, Тэнад туйясыд веськыдӧсь да збыльӧсь! Тэ – вежа войтырлӧн Ӧксыыс!

Еврейяслы 2:2

Ӧд анделъяс пыр висьталӧм юӧрыс кӧ вӧлі вына, да быд кывзысьтӧмлунысь да лёк вӧчӧмысь кӧ мыждылісны веськыда,

Колосӧ 1:15

Сійӧ – тыдавтӧм Енмыслӧн пертас, чужӧма став вӧчӧмторсьыс медводз.

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Ап. уджъяс 7:30

Нелямын во мысти овтӧминын, Синай керӧс дорын, ӧзъялысь лежнӧг пытшкын Мӧисейлы петкӧдчис Господьлӧн андел.

Ап. уджъяс 5:31

Енмыс пуксьӧдіс Сійӧс веськыдладорас, индіс Сійӧс Юралысьӧн да Мездысьӧн, медым Израиль вермис бергӧдчыны мыжъяссьыс да босьтны прӧститӧмсӧ.

Ап. уджъяс 3:22

Мӧисей шулӧма батьяслы: ”Господь, тіян Енныд, сувтӧдас вокъяс пӧвстсьыныд ме кодь Пророкӧс тіянлы. Кывзысьӧй Сылысь быдторйын, мый шуас.

Ап. уджъяс 2:36

Бура тӧдӧй ставныд, Израиль войтыр: Ен пуктіс Господьӧн да Кристосӧн тайӧ Исусӧс, кодӧс ті тувъялінныд».

Иоан 19:15

Найӧ горӧдісны: «Босьт, тувъяв Сійӧс!» Пилат юаліс: «Тіянлысь Ӧксынытӧ-ӧ тувъяла?» Аркирейяс вочавидзисны: «Кесарысь кындзи миян мӧд ӧксыыс абу».

Иоан 18:40

Сэки ставныс горӧдісны: «Эн Сійӧс, а Варавваӧс лэдз!» Варавва вӧлі лёк вӧчысь.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Псалтыр 77:20

Дерт, кор Сійӧ вартіс изкыртаӧ, сэтысь ыльӧбтіс ва да визувтісны шоръяс. Но вермас-ӧ Сійӧ сетны нянь да вердны Ассьыс войтырсӧ яйӧн?»

Ӧксыяслӧн 1 небӧг 12:8

Яковлӧн Египетӧ локтӧм бӧрын нартитӧм вӧсна батьясныд ойзӧмӧн-бӧрдӧмӧн шыасисны Господь дінӧ. Сэки Сійӧ мӧдӧдіс Мӧисейӧс Ааронкӧд, и найӧ петкӧдісны тіянлысь батьяснытӧ Египетысь да овмӧдісны найӧс татчӧ.

Ӧксыяслӧн 1 небӧг 10:27

А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс.

Петӧм 33:2

Ме мӧдӧда [Ассьым] анделӧс тэ водзын, вӧтла ханаансаясӧс, аморейясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Петӧм 32:34

Мун [лэччы] да нуӧд войтыртӧ сэтчӧ, кытчӧ Ме тшӧкті. Менам андел мунас тэ водзын. А мыждан лунӧ Ме мыжда найӧс мыжсьыныс».

Петӧм 14:24

Кыа петтӧдз Господь видзӧдліс би да кымӧр сюръя пытшсяньыс египетса тышкайӧз вылӧ да шӧйӧвоштіс найӧс.

Петӧм 2:14

Сійӧ вочавидзис: «Коді тэнӧ пуктіс миян вылын ыджыдалысьнас да миянӧс мыждысьнас? Гашкӧ, [тӧрытъя] египетсаӧс моз тэ тшӧтш кӧсъян вины менӧ?» Мӧисей повзис. Сійӧ мӧвпыштіс: «Тыдалӧ, тӧдмалісны, мый ме вӧчи».

Марк 12:26

Ловзьӧм йылысь шуа – ті ӧмӧй энӧ лыддьылӧй Мӧисей небӧгысь сотчысь лежнӧг дорын вӧвлӧмтор йылысь? Ен шуис Мӧисейлы: ”Ме Ӧвраамлӧн Ен, Исааклӧн Ен да Яковлӧн Ен”.