Ап. уджъяс 6:1 - Коми Библия 2023

¹ Велӧдчысьяслӧн лыдыс лунысь-лун содіс. Грек кывйӧн сёрнитысь иудейяс пондісны шуасьны сэтчӧс олысь иудейяс вылӧ, мыйла пӧ быдлунъя коланатор юклігӧн ӧтдортанныд миянлысь дӧваясӧс.

Ап. уджъяс 6:1 Referans Kwoze

Ап. уджъяс 4:35

апостолъяслы. Найӧ быдӧнлы юклісны колана мында.

Ап. уджъяс 2:41

Унаӧн долыдпырысь сибӧдісны сьӧлӧманыс Петырлысь кывъяссӧ да пыртчисны. Сійӧ лунӧ эскысьяс дінӧ содіс куим сюрс гӧгӧр морт.

Яков 5:9

Вокъяс, энӧ мыжалӧй ӧта-мӧднытӧ, медым Енмыс эз мыжды тіянӧс. Мыждысьыс сулалӧ нин ӧдзӧс дорын.

Ап. уджъяс 9:39

Петыр чеччис да локтіс накӧд. Воӧм мыстиыс Петырӧс нуӧдісны вылыс вежӧсас. Дӧваяс кытшалісны сійӧс да бӧрдӧмсорӧн петкӧдлісны Тавита киӧн вурӧм дӧрӧм-паськӧм.

Ап. уджъяс 6:7

Енлӧн кывйыс паськаліс да велӧдчысьяслӧн лыдыс Ерусалимын ёна содіс, весиг попъяс пӧвстысь унаӧн кутісны эскыны.

Ап. уджъяс 2:47

Найӧ ставсьыс ошкисны Енмӧс. Йӧзыс найӧс бурӧ пуктісны, а Господь быд лун содтіс вичкоӧ мездмӧмаясӧс.

Филипӧ 3:5

Ӧд менӧ вундыштӧма вӧлі кӧкъямысӧд лунӧ, петі Израиль войтырысь, Венямин чужанкотырысь, бать-мамӧй – иудейяс, Индӧд серти ме – фарисей.

Ап. уджъяс 11:20

На пӧвстын тшӧтш вӧліны Кипрысь да Киринеяысь кодсюрӧ. Антиокияӧ локтӧм бӧраныс найӧ висьтавлісны грекъяслы Господь Исус йылысь Бур Юӧр.

Ап. уджъяс 9:41

Петыр мыччис сылы кисӧ да отсаліс чеччыны. Сэсся корис дӧваясӧс да мукӧд эскысьясӧс, да сувтӧдіс на водзӧ ловъя Тавитаӧс.

Ап. уджъяс 9:29

Сійӧ сёрнитліс да вензьывліс грек кывйӧн сёрнитысь иудейяскӧд, а найӧ пыр кӧсйисны вины сійӧс.

Ап. уджъяс 5:14

Тадзи Господьлы эскысьяслӧн лыдыс пыр содіс, на пӧвстын вӧліны айулов и аньяс.

Ап. уджъяс 4:4

А кывзысьяс пӧвстысь унаӧн эскисны, и вокъяслӧн лыдыс содіс вит сюрсӧдз.

Еврейяслы 13:1

Тіян костын мед пыр лоӧ муслун.

2 Коринфӧ 11:22

Найӧ иудейяс? Ме тшӧтш. Израиль войтыр? Ме тшӧтш. Ӧвраамсянь чужысьяс? Ме тшӧтш.

Ап. уджъяс 2:45

Найӧ вузавлісны ассьыныс овмӧс-эмбурнысӧ, а сьӧмсӧ юклісны быдӧнлы колана мында.

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Еремей 30:19

Сэтысь бара кутас кывны аттьӧалӧм да гажӧдчысьяслӧн гӧлӧс шыныс. Ме рӧдмӧда найӧс, и налӧн лыдыс оз кут чинны. Ме нимӧда найӧс, и найӧс оз кутны увтыртны.

Исай 27:6

Локтана кадӧ Яков вужъясяс, Израиль сетас вож да кутас дзоридзавны. Муюгыдыс тырас вотӧсӧн.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Псалтыр 72:16

Ме мӧвпалі, кыдзи меным гӧгӧрвонысӧ, но тайӧ сьӧкыд вӧлі меным,

Яков 4:5

Гашкӧ, ті чайтанныд, мый Гижӧдыс весьшӧрӧ висьталӧ: «Вежӧгтӧмӧн радейтӧ лолыс, коді олӧ миян пытшкын».

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.

1 Тимофейлы 5:9

Дӧва лыдӧ позьӧ пыртны квайтымын арӧсаӧс да сыысь ыджыдджык арлыда аньӧс, вӧлӧма кӧ сійӧ ӧтчыдысь верӧс сайын,

1 Коринфӧ 10:10

Энӧ шуасьӧй, кыдзи шуасисны кодсюрӧ миян батьяс пӧвстысь. Сэсся Андел-Бырӧдысь виис найӧс.

Ап. уджъяс 5:28

«Ми ӧмӧй эгӧ чорыда ӧлӧдлӧй тіянӧс тайӧ нимнас велӧдӧмысь? Став Ерусалимсӧ шызьӧдінныд асланыд велӧдӧмӧн, нӧшта миянӧс мыжданныд сійӧ Мортсӧ виӧмысь».

Езекиль 22:7

Ерусалимын бать-мамӧс пыдди оз пуктыны, йӧз муысь локтысьясӧс топӧдӧны, батьтӧм-мамтӧмӧс да дӧваӧс дзескӧдӧны.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Иов 31:16

Ме ӧмӧй эг отсавлы гӧльяслы, ме ӧмӧй мӧдӧдлі дӧваӧс бӧрдан синмӧн?

Иов 29:13

Куланвыйӧдз воӧм морт бурсиӧмӧн аттьӧавліс менӧ, дӧваяслысь сьӧлӧмсӧ ме гажӧдлі.

Индӧд 26:12

Быд коймӧд вонас торйӧд мувыв быдтассьыд дасӧд юкӧнсӧ да сет левитлы, йӧз муысь локтысьлы, батьтӧм-мамтӧмлы да дӧвалы, медым найӧ тіян кар-сиктъясын пӧттӧдзныс сёясны. Тайӧс вӧчӧм бӧрын

Ап. уджъяс 6:2

Сэки дас кык апостол корисны став велӧдчысьсӧ да шуисны налы: «Миянлы абу бур кольны Енлысь кывсӧ да сёян-юан вӧсна тӧждысьны.

Ап. уджъяс 11:26

Во чӧж найӧ чукӧртчывлісны сэні эскысьяскӧд да велӧдісны бура уна йӧзӧс. Антиокияын велӧдчысьясӧс медводдзаысь шуисны Кристос войтырӧн.

Ап. уджъяс 11:29

Велӧдчысьяс шуисны отсавны Иудеяын олысь вокъяслы, коді мыйта вермас.

Римӧ 12:7

кодлы сетӧма кесъявны, мед кесъялӧ, кодлы сетӧма велӧдны, мед велӧдӧ,

1 Тимофейлы 5:3

Тӧждысь ӧткӧн олысь дӧваяс вӧсна.