Ап. уджъяс 4:5 - Коми Библия 2023

⁵ Мӧд луннас чукӧртчисны Ерусалимӧ иудейяслӧн юралысьяс, юрнуӧдысьяс да Индӧдӧ велӧдысьяс.

Ап. уджъяс 4:5 Referans Kwoze

Ап. уджъяс 4:8

Сэки Петыр, коді вӧлі тырӧма Вежа Лолӧн, шуис налы: «Войтырлӧн юралысьяс да юрнуӧдысьяс!

Ап. уджъяс 6:12

Тадзи найӧ кыпӧдісны йӧзсӧ, юрнуӧдысьясӧс да Индӧдӧ велӧдысьясӧс Степанлы паныд. Сэсся босьтісны сійӧс да вайӧдісны веськӧдлан котыр водзӧ.

Ап. уджъяс 5:34

Сэки сувтіс веськӧдлан котырысь Гамалиэл нима фарисей, Индӧдӧ велӧдысь, кодӧс пыдди пуктісны став йӧзыс. Сійӧ тшӧктіс кад кежлӧ петкӧдны сэтысь апостолъясӧс.

Лука 24:20

Аркирейясным юралысьяскӧд мыждісны сійӧс да сетісны тувъявны крестӧ.

Лука 23:13

Пилат чукӧртіс аркирейясӧс, юралысьясӧс да войтырсӧ,

Лука 22:66

Асывнас чукӧртчисны юрнуӧдысьяс, аркирейяс да Индӧдӧ велӧдысьяс. Исусӧс вайӧдісны веськӧдлан котыр водзӧ.

Лука 20:1

Ӧтчыд Исус велӧдіс йӧзсӧ крамын, висьталіс налы Бур Юӧр. Сы дінӧ матыстчисны аркирейяс, Индӧдӧ велӧдысьяс да юрнуӧдысьяс.

Марк 15:1

Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Исай 1:10

Содомса юралысьяс, кывзӧй Господьлысь кывсӧ! Гомораын олысьяс, кывзӧй миян Енлысь Индӧдсӧ!