Ап. уджъяс 28:4 - Коми Библия 2023

⁴ Сэтчӧс олысьяс кор аддзисны Павел ки вылын ӧшалысь змейӧс, ӧта-мӧдныслы шуалісны: «Тыдалӧ, сійӧ морт виысь, вӧйӧмысь кӧ мездмӧм бӧрын Водзӧсперйысьыс кӧсйӧ босьтны сылысь олӧмсӧ».

Ап. уджъяс 28:4 Referans Kwoze

Лука 13:4

Мый шуанныд дас кӧкъямысыс йылысь, кодъяс вылӧ Силоамын усис башня да лямӧдіс кувтӧдзныс? Вӧліны-ӧ найӧ мыжаджыкӧсь Ерусалимын мукӧд олысьяс дорысь?

Лука 13:2

Исус шуис: «Ті ног, найӧ вӧліны мыжаджыкӧсь Галилеяысь мукӧд локтысьяс дорысь, тадзи кӧ кулісны?

Ап. уджъяс 28:5

Но Павел кисӧ пыркнитӧмӧн шыбитіс змейӧс биӧ, и сылы некутшӧм лёк эз ло.

Ап. уджъяс 28:2

Сэтчӧс олысьяс бура сибӧдісны миянӧс. Найӧ пестісны бипур да корисны миянӧс шонтысьны зэрысь-кӧдзыдысь.

Иоан 7:24

Энӧ мыждӧй чужӧм вылӧ видзӧдӧмӧн, а мыждӧй веськыда».

Матвей 23:35

Тадзи тіянӧс мыждасны став веськыда олысьыслӧн вирысь: веськыда олысь Авель вирсянь да Варакейлӧн Закар пи вирӧдз, кодӧс ті виинныд крам да висьпуктанін костын.

Исай 43:20

Шакалъяс да страусъяс пондасны ошкыны Менӧ, ӧд овтӧминын Ме сета ва, кушинын лӧсьӧда юяс, медым юктӧдны Ассьым бӧрйӧм войтырӧс.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Софоний 2:15

Татшӧмӧн лоӧ кар, кӧні йӧзыс гажӧдчылісны, тӧждысьтӧг олісны, ас пытшканыс шуалісны: «Миян кар кодь мӧдыс абу». Но ӧні сійӧ лои киссьӧм карӧн, зверъяслы – дзебсянінӧн. Сы дінті мунысьяс пондасны шутьлявны, кинас швачӧдны боканыс.

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Шусьӧгъяс 28:17

Вир кисьтысь пондас кувтӧдзыс пышъявны – энӧ кутӧй сійӧс.

Олӧм 3:1

Господь Енмӧн вӧчӧм став пемӧсысь змей вӧлі медся мудер. Змей юаліс аньлысь: «Збыльысь-ӧ Ен шуис, энӧ пӧ сёйӧй сад йӧрын быдмысь некутшӧм пуысь?»

Ап. уджъяс 28:3

Павел чукӧртіс росъяс да пуктіс бипур вылӧ. Сэки жара сотчысь биысь чепӧсйис змей да шашаритчис Павеллы киас.