Ап. уджъяс 28:31 - Коми Библия 2023

³¹ Сійӧ повтӧг да восьсӧн висьтавліс волысьяслы Енлӧн Юралӧм йылысь да велӧдіс Господь Исус Кристос йылысь.

Ап. уджъяс 28:31 Referans Kwoze

Ап. уджъяс 4:29

Ӧні, Господьӧй, видзӧдлы налӧн повзьӧдлӧм вылӧ, отсав Аслад кесйӧгъяслы повтӧг висьтавны Тэнсьыд кывтӧ.

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Матвей 4:23

Исус ветлӧдліс Галилея му пасьтала. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзӧс быд висьӧм-доймӧмысь.

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

Филипӧ 1:14

Менам дзескыдінын пукалӧмӧй ышӧдіс уна вокӧс. Найӧ ёнджыка на повтӧг кутісны висьтавлыны Енлысь кывсӧ.

Ап. уджъяс 20:25

Ӧні ме тӧда, мый ті, кодъяс пӧвстын ме олі да висьтавлі Енлӧн Юралӧм йылысь, онӧ нин аддзылӧй менсьым чужӧмӧс.

Ап. уджъяс 8:12

Но кор кылісны Енлӧн Юралӧм йылысь да Исус Кристос йылысь Бур Юӧр, эскисны Филиплы, сэсся айулов да аньяс ставныс пыртчисны.

Ап. уджъяс 4:31

Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.

Ап. уджъяс 5:42

Быд лун крамын да гортъясаныс найӧ велӧдісны да висьтавлісны Исус Кристос йылысь Бур Юӧр.

2 Тимофейлы 2:9

Тайӧ юӧр вӧснаыс ме и нуа сьӧкыдсӧ. Менӧ дорисны лёк вӧчысьӧс моз, но Енлысь кывсӧ абу дорӧма.

Ап. уджъяс 23:11

Сійӧ войнас Господь сувтіс Павел водзӧ да шуис: «Эн пов, Павел. Ӧні тэ Ерусалимын висьталін Ме йылысь, тадзи тэныд ковмас висьтавны тшӧтш Римын».

Лука 8:1

Та бӧрын Исус ветлӧдліс карысь карӧ, сиктысь сиктӧ да висьтавліс Ен Юралӧм йылысь Бур Юӧр. Сыкӧд ветлӧдлісны дас кыкнан велӧдчысьыс

Марк 1:14

Иоанлӧн дзескыдінӧ веськалӧм бӧрын Ен Юралӧм йылысь Евангелльӧ висьталігтыр Исус муніс Галилеяӧ.

Ап. уджъяс 1:3

Сьӧкыда кулӧм бӧрас Сійӧ уна эскӧданторйӧн петкӧдліс налы, мый Сійӧ ловзис. Нелямын лун чӧж Сійӧ петкӧдчывліс да висьтавліс Енлӧн Юралӧм йылысь.

Ап. уджъяс 28:30

Аслас нянь-сов вылын Павел оліс сэні кык во чӧж да сибӧдліс ас ордас быдӧнӧс.