Ап. уджъяс 28:23 - Коми Библия 2023

²³ Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Ап. уджъяс 28:23 Referans Kwoze

Ап. уджъяс 19:8

Куим тӧлысь чӧж Павел ветлӧдліс синагогаӧ да повтӧг сёрнитіс сэні, эскӧдӧмӧн висьтавліс Енлӧн Юралӧм йылысь.

Ап. уджъяс 18:28

Став йӧз водзас сійӧ кужис венны иудейясӧс. Гижӧдъяс вылӧ мыджсьӧмӧн эскӧдіс найӧс, мый Исус эм Кристос.

Ап. уджъяс 26:6

Ӧні ме сулала ёрд водзын, ӧд лача кута кӧсйысьӧм вылӧ, мый Енмыс сетіс миян батьяслы.

Ап. уджъяс 8:35

Сэки Филип тайӧ гижӧдсяньыс пондіс висьтавны сылы Исус йылысь Бур Юӧрсӧ.

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».

Ап. уджъяс 18:4

Быд шойччан лунӧ Павел сёрнитіс синагогаын, ышӧдіс иудейясӧс да грекъясӧс эскыны.

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Филимонлы 1:2

Чолӧмалам дона Апфия чойӧс да миянкӧд ӧтвыв вермасьысь Аркип ёртӧс да сы ордын чукӧртчысь эскысьясӧс.

Марк 4:34

Велӧданвисьтъястӧг Исус эз сёрнитлы йӧзыскӧд, а велӧдчысьясыслы ас кежаныс гӧгӧрвоӧдліс ставсӧ.

Лука 16:28

мед ӧлӧдас менсьым витнан вокӧс тайӧ мучитчанінас веськалӧмысь”.

Ап. уджъяс 1:3

Сьӧкыда кулӧм бӧрас Сійӧ уна эскӧданторйӧн петкӧдліс налы, мый Сійӧ ловзис. Нелямын лун чӧж Сійӧ петкӧдчывліс да висьтавліс Енлӧн Юралӧм йылысь.

Ап. уджъяс 23:11

Сійӧ войнас Господь сувтіс Павел водзӧ да шуис: «Эн пов, Павел. Ӧні тэ Ерусалимын висьталін Ме йылысь, тадзи тэныд ковмас висьтавны тшӧтш Римын».

Ап. уджъяс 24:14

Но веськыда висьтала тэныд: ме кутчыся тайӧ велӧдӧмас, мый найӧ шуӧны пӧръясьӧмӧн, тадзи кесъяла миян батьяслӧн Енлы. Ме эска ставас, мый гижӧма Индӧдын да пророк гижӧдъясын.

Ап. уджъяс 28:31

Сійӧ повтӧг да восьсӧн висьтавліс волысьяслы Енлӧн Юралӧм йылысь да велӧдіс Господь Исус Кристос йылысь.

Филимонлы 1:22

Нӧшта кора, корсьлы меным оланін. Ме лача кута, мый тіян кевмысьӧм отсӧгӧн Енмыс бӧр вайӧдас менӧ тіян дінӧ.