Ап. уджъяс 27:1 - Коми Библия 2023

¹ Кор шуӧма вӧлі кывтны Италияӧ, Павелӧс да мукӧд пукалысьӧс сетісны Юлий нима мортлы, коді веськӧдліс кесарлӧн сё тышкамортӧн.

Ап. уджъяс 27:1 Referans Kwoze

Ап. уджъяс 25:25

Но ме эг аддзы мыжсӧ, мыйысь эськӧ позис вины сійӧс. Сылӧн корӧм серти ме шуи мӧдӧдны сійӧс кесар дінӧ.

Ап. уджъяс 25:12

Сэки аслас отсасьысьяскӧд сёрнитчӧм бӧрын Фест шуис: «Тэ корин кесарлысь мыждӧм, сідзкӧ, сувтан кесар водзӧ».

Ап. уджъяс 10:1

Кесарияын оліс Корнилий нима морт, италияса тышкакотырӧн веськӧдлысь.

Ап. уджъяс 27:11

Но сё тышкамортӧн веськӧдлысь Павеллы дорысь ёнджыка эскис корабльвывса ыджыдыслы да корабль нуӧдысьлы.

Ап. уджъяс 18:2

Сэні паныдасис Акил нима иудейкӧд, коді чужлӧма Понтын, да сылӧн Прискилла гӧтырыскӧд. Найӧ регыд на вӧлі локтӧмаӧсь Италияысь, сы вӧсна мый Клавдий кесар тшӧктӧма став иудейыслы эновтны Рим. Павел муніс на ордӧ

Еврейяслы 13:24

Висьталӧй чолӧм вичкоса веськӧдлысьяслы да став вежа войтырлы. Тіянлы ыстӧны чолӧм италияса эскысьяс.

Ап. уджъяс 28:16

Римӧ воӧм мысти сё тышкамортӧн веськӧдлысь сетіс пукалысьясӧс сэтчӧс тышкайӧзӧн веськӧдлысьлы. А Павеллы лэдзисны овны торйӧн, но сы бӧрся видзӧдіс тышкаморт.

Ап. уджъяс 27:43

Но медым видзны Павеллысь олӧмсӧ, сё тышкамортӧн веськӧдлысь ӧлӧдіс найӧс таысь. Сійӧ медводз тшӧктіс шыбитчыны ваӧ вартчыны кужысьяслы да уйны береглань.

Ап. уджъяс 27:6

Сэні сё тышкамортӧн веськӧдлысь аддзис Александрияысь Италияӧ кывтысь корабль да пуксьӧдіс миянӧс сы вылӧ.

Ап. уджъяс 24:23

Сэсся тшӧктіс сё тышкамортӧн веськӧдлысьлы нуӧдны Павелӧс дзескыдінӧ да видзны сійӧс дзескӧдтӧг, лэдзлыны сылӧн ёртъясыслы волывлыны да тӧждысьны сы вӧсна.

Ап. уджъяс 23:17

Сэки Павел корис сё тышкамортӧн веськӧдлысьӧс да шуис: «Тайӧ том мортсӧ колӧ нуӧдны сюрсӧн веськӧдлысь дінӧ, сійӧ мыйкӧ кӧсйӧ висьтавны сылы».

Ап. уджъяс 23:11

Сійӧ войнас Господь сувтіс Павел водзӧ да шуис: «Эн пов, Павел. Ӧні тэ Ерусалимын висьталін Ме йылысь, тадзи тэныд ковмас висьтавны тшӧтш Римын».

Ап. уджъяс 22:26

Тайӧс кылӧм бӧрын сёӧн веськӧдлысь матыстчис сюрсӧн веськӧдлысь дінӧ да шуис: «Тэ збыльысь кӧсъян нӧйтны тайӧ мортсӧ? Сійӧ ӧд римса».

Ап. уджъяс 21:32

Сійӧ дзик пыр босьтіс аскӧдыс тышкайӧзӧс да тэрмасьӧмӧн локтіс чукӧртчӧминӧ. Кор Павелӧс нӧйтысьяс аддзисны сюрс тышкамортӧн веськӧдлысьӧс да сылысь йӧзсӧ, дугдісны нӧйтны сійӧс.

Ап. уджъяс 19:21

Тайӧ лоӧмторъясыс бӧрын Павел кыліс ловнас, мый сылы колӧ мунны Македония да Акайя пыр Ерусалимӧ. А Ерусалим бӧрын шуис ветлыны Римӧ.

Ап. уджъяс 16:10

Тайӧ петкӧдчылӧм бӧрас ми дзик пыр шуим мунны сэтчӧ. Ми гӧгӧрвоим, мый Господь корӧ миянӧс висьтавны сэні Бур Юӧр.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Лука 23:47

Лоӧмторсӧ аддзӧм бӧрын сё тышкамортӧн веськӧдлысь Енмӧс ошкигтырйи шуис: «Тайӧ Мортыс збыльысь веськыда олысь вӧлӧма».

Лука 7:2

Сэні оліс сё тышкамортӧн веськӧдлысь, кодлӧн кесйӧгыс вӧлі куланвыйын. Веськӧдлысьлы сійӧ вӧлі зэв дона.

Матвей 27:54

Му вӧрӧмысь да став лоӧмторсӧ аддзӧмысь Исусӧс видзысьяс да налӧн веськӧдлысьыс ёна повзисны да шуисны: «Тайӧ Мортыс збыльысь Ен Пи вӧлӧма».

Бӧрданкыв 3:27

Мортыслы бур, сьӧкыдсӧ кӧ нуӧ аслас том кадӧ.

Шусьӧгъяс 19:21

Мортыд ас водзас уна мог сувтӧдӧ, но инас сӧмын Господьӧн шуӧмаыс.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Псалтыр 33:11

Том левъяс сьӧкыдалӧны да тшыгъялӧны, а Господьӧс корсьысьяслӧн оз ло тырмытӧмыс.

Олӧм 50:20

Ті мӧвпалінныд лёк вӧчны меным, но Енмыс тайӧс бергӧдіс бур вылӧ, медым видзны уна йӧзлысь олӧмсӧ.

Ап. уджъяс 28:1

Ваысь петӧм бӧрын тӧдмалісны, вӧлӧмакӧ, Мальта ді.