Ап. уджъяс 26:13 - Коми Библия 2023

¹³ Луншӧр кадӧ, кор ме вӧлі туйын на, аддзи, ӧксыӧй, кыдзи ме да мекӧд мунысьяс гӧгӧр югнитіс енэжсяньыс югыд. Сійӧ вӧлі шонді югӧрысь на яр.

Ап. уджъяс 26:13 Referans Kwoze

Матвей 17:2

Велӧдчысьяс син водзын Исуслӧн мыгӧрыс вежсис: чужӧмыс пондіс шонді моз югъявны, паськӧмыс лои дзирдалана еджыд.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

Восьтӧм 1:16

Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Ап. уджъяс 22:6

Дамаскӧ матыстчигӧн луншӧр кадӧ ме гӧгӧр виччысьтӧг югнитіс енэжсяньыс дзирдалана югыд.

Ап. уджъяс 9:3

Дамаскӧ матыстчигӧн туй вылас Савл гӧгӧр виччысьтӧг югнитіс енэжсяньыс югыд.

Исай 30:26

Сэки тӧлысьлӧн югыдыс лоӧ шонділӧн кодь, а шонділӧн югыдыс лоӧ сизимпӧв югыдджык на, быттьӧ сизим лунлӧн югыдыс. Тадзи лоӧ сійӧ лунӧ, кор Господь кӧрталас Аслас войтырлысь дойяссӧ да бурдӧдас найӧс.

Исай 24:23

Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим.

Ап. уджъяс 22:9

Мекӧд локтысьяс кор аддзӧмаӧсь югыдсӧ, ёна повзьӧмаӧсь, а ме дінӧ шыасьӧмсӧ найӧ абу кывлӧмаӧсь.

Ап. уджъяс 26:12

Та могӧн аркирейяс нимсянь ме муні Дамаскӧ.

Ап. уджъяс 26:14

Ми ставным усим муас. Сэки ме кылі еврей кыв вылын ме дінӧ шыасьӧм: ”Савл, Савл, мыйла вӧтлан Менӧ? Сьӧкыд тэныд мунны ёсь зорлы паныд”.