Ап. уджъяс 26:11 - Коми Библия 2023

¹¹ Ме унаысь чорыда нӧйтлі найӧс синагогаясын, медым найӧ омӧльтісны Исусӧс. Ме вӧлі тырӧма скӧрлунӧн, вӧтлыси на бӧрся весиг мукӧд каръясӧдз.

Ап. уджъяс 26:11 Referans Kwoze

Ап. уджъяс 22:19

Ме шуи: ”Господьӧй, найӧ ӧд тӧдӧны, мый ме ветлӧдлі синагогаысь синагогаӧ, пуксьӧдавлі Тэныд эскысьясӧс дзескыдінӧ да чорыда нӧйтлі найӧс.

Ап. уджъяс 13:45

Кор иудейяс аддзисны уна йӧзӧс, тырисны лӧглунӧн. Найӧ пондісны паныд шуасьны да омӧльтны Павеллысь велӧдӧмсӧ.

Матвей 10:17

Видзчысьӧй йӧзысь, ӧд найӧ кыскасны тіянӧс ёрдӧ да асланыс синагогаясын нӧйтасны тіянӧс.

Ап. уджъяс 22:5

Та йылысь вермас висьтавны ачыс аркирей да юрнуӧдысьяс. Насянь менам вӧлі гижӧд Дамаскын олысь вокъяслы. Тайӧ гижӧднас ме муні сэтчӧ, медым кӧртавны Исуслы эскысьясӧс да мыждӧм могысь вайӧдны найӧс Ерусалимӧ.

Ап. уджъяс 9:1

Савл скӧрысла пыр на пуис Господьлӧн велӧдчысьяс вылӧ, зілис бырӧдны найӧс. Сійӧ локтіс аркирей дінӧ

2 Петыр 2:16

Но сійӧс янӧдӧма вӧлі лёктор вӧчӧмсьыс: осёл, кывтӧм пемӧс, морт моз шыасис пророк дінӧ да ӧлӧдіс сійӧс йӧйталӧмсьыс.

Яков 2:7

Оз ӧмӧй озыръяс лёкӧдны бур нимнытӧ, мый сетӧма тіянлы?

Ап. уджъяс 18:6

Иудейяс сувтісны Павеллы паныд, пондісны омӧльтны сійӧс. Сэки Павел паськӧмсӧ пыркнитӧмӧн шуис: «Тіян вирныд ас выланыд кольӧ, а ме сӧстӧм. Ӧні ме муна ентӧдтӧмъяс дінӧ».

Лука 21:12

Но таӧдз пондасны вӧтлысьны тіян бӧрся да дзескӧдны тіянӧс, вайӧдасны синагогаясӧ мыждыны, йӧртасны дзескыдінӧ да Менам ним вӧсна нуӧдасны ӧксыяс да юралысьяс водзӧ.

Лука 15:17

Ас садяс воӧм бӧрын сійӧ шуас: ”Батьӧйлӧн меда йӧзыс пӧттӧдзныс сёйӧны, а ме тані тшыглы кула.

Лука 6:11

Фарисейяс да Индӧдӧ велӧдысьяс скӧрысла пузисны, ас костаныс пондісны сёрнитны, мый вӧчны Исускӧд.

Марк 13:9

Видзӧдӧй ас бӧрсяныд. Тіянӧс кыскасны ёрдӧ да нӧйтасны синагогаясын. Ме вӧсна тіянӧс нуӧдасны юралысьяс да ӧксыяс водзӧ, медым найӧ тӧдісны Ме йылысь.

Марк 3:28

Веськыда висьтала тіянлы: мортлысь быд мыж да быд омӧльтӧм лоӧ прӧститӧма.

Еклесиаст 9:3

Тайӧ и эм лёкыс шонді улас, мый став йӧзыскӧд лоӧ ӧтмоза. Мортлӧн сьӧлӧмыс тырӧма лёкнас, йӧйлуныс олӧ сы пытшкын олӧм чӧжыс, и олӧм бӧрас мортыс мунӧ кулӧмаяс дінӧ – тайӧ тшӧтш лёк.

Псалтыр 102:8

Господь мелі да бур сьӧлӧма, Сійӧ дыр терпитӧ да ёна буралӧ.