Ап. уджъяс 25:8 - Коми Библия 2023

⁸ Павел асьсӧ дорйӧм могысь шуис: «Иудей Индӧдлы, крамлы да кесарлы паныд ме некутшӧм мыж эг вӧч».

Ап. уджъяс 25:8 Referans Kwoze

Ап. уджъяс 28:17

Куим лун мысти Павел корис иудейяслысь веськӧдлысьясӧс. Кор найӧ чукӧртчисны, Павел шыасис на дінӧ: «Вокъяс, ме нинӧм эг вӧч ас войтырлы паныдсӧ да эг торк батьяслысь оласногсӧ. Но менӧ пуксьӧдісны Ерусалимын дзескыдінӧ да сетісны римсаяслы.

Ап. уджъяс 24:12

Крамын ме эг вензьы, синагогаын либӧ карын эг шызьӧд йӧзсӧ.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

Ап. уджъяс 28:21

Иудейяслӧн веськӧдлысьяс шуисны: «Миянлы нинӧм эз гижлыны Иудеясянь, весиг вокъяс воліганыс нинӧм эз юӧртны да нинӧм лёксӧ эз висьтавлыны тэ йылысь.

Еремей 37:18

Еремей нӧшта шуис Седекей ӧксылы: «Мыйӧн ме мыжми тэ водзын, тэнад кесйӧгъяс водзын да тайӧ войтырыс водзын? Мыйла ті пуксьӧдінныд менӧ дзескыдінӧ?

Ап. уджъяс 25:10

Павел шуис: «Ме сулала кесар ёрд водзын, тані колӧ менӧ мыждынысӧ. Иудейяслы ме нинӧм лёксӧ эг вӧч, тэ ачыд тайӧс бура тӧдан.

Ап. уджъяс 24:6

Сійӧ кӧсйис пежавны крамнымӧс, таысь ми и босьтім сійӧс да кӧсйим мыждыны Индӧдным серти.

Ап. уджъяс 23:1

Павел сюся видзӧдліс веськӧдлан котыр вылӧ да шуис: «Вокъяс! Тайӧ лунӧдзыс ме пыр олі Ен водзын сӧстӧм сьӧлӧмӧн».

Даниил 6:22

Менам Енмӧй мӧдӧдіс Ассьыс анделсӧ, и сійӧ тупкис левъяслысь вомсӧ. Найӧ эз вермыны вӧчны меным лёксӧ, ӧд Ен водзас ме сӧстӧм, и тэ водзын, ӧксыӧй, ме нинӧмӧн эг мыжмы».

Олӧм 40:15

Менӧ ӧд гусялісны еврейяслӧн муысь. Тані олігӧн ме эг вӧч сэтшӧм лёксӧ, мыйысь колӧ йӧршитны дзескыдінӧ».

Ап. уджъяс 24:14

Но веськыда висьтала тэныд: ме кутчыся тайӧ велӧдӧмас, мый найӧ шуӧны пӧръясьӧмӧн, тадзи кесъяла миян батьяслӧн Енлы. Ме эска ставас, мый гижӧма Индӧдын да пророк гижӧдъясын.