Ап. уджъяс 25:6 - Коми Библия 2023

⁶ Кӧкъямыс-ӧ-дас лун мысти Фест бӧр муніс Кесарияӧ. Мӧд луннас локтіс ёрдӧ, пуксис да тшӧктіс вайӧдны Павелӧс.

Ап. уджъяс 25:6 Referans Kwoze

Ап. уджъяс 25:17

Кор найӧ локтісны татчӧ, ме дзик пыр мӧд луннас пукси ёрдӧ да тшӧкті вайӧдны тайӧ мортсӧ.

Ап. уджъяс 25:10

Павел шуис: «Ме сулала кесар ёрд водзын, тані колӧ менӧ мыждынысӧ. Иудейяслы ме нинӧм лёксӧ эг вӧч, тэ ачыд тайӧс бура тӧдан.

Матвей 27:19

Сэки Пилатлӧн гӧтырыс мӧдӧдіс мыжданінӧ висьтавны верӧсыслы: «Тайӧ веськыда олысьыслы лёксӧ эн вӧч. Тавой вӧтын ме ёна шогси Сы понда».

Яков 2:6

Но ті увтыртанныд гӧльясӧс. Оз ӧмӧй озыръяс дзескӧдны тіянӧс да кыскыны тіянӧс ёрдӧ?

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

Иоан 19:13

Тайӧс кылӧм бӧрын Пилат петкӧдіс Исусӧс ывлаӧ, ачыс пуксис изэрдвывса мыждан пуклӧсӧ. Еврей ногӧн Изэрдыс шусис Габбата.

Ап. уджъяс 8:40

Бӧрынджык Филипӧс аддзисны Азот карысь. Кесарияӧ мунігӧн сійӧ быд карын висьтавліс Бур Юӧр.

Ап. уджъяс 25:1

Юралысьӧ пуксьӧмсянь куим лун мысти Фест муніс Кесарияысь Ерусалимӧ.

Ап. уджъяс 25:4

Фест вочавидзис: «Павелӧс видзӧны Кесарияын, ме ачым сэтчӧ регыд муна.

Ап. уджъяс 25:5

Тіян пиысь тӧдчанаджыкъясыс мед мунасны мекӧд. Тайӧ мортыс сайын кӧ збыльысь мыйкӧ эм, мед мыжаласны».