Ап. уджъяс 25:11 - Коми Библия 2023

¹¹ Но ме кӧ мыжа вимӧн, ме дась кувны. Абу кӧ мыжа, мыйысь тайӧ йӧзыс мыжалӧны менӧ, сідзкӧ, некод оз вермы сетны менӧ налы. Ме кора кесарлысь мыждӧм».

Ап. уджъяс 25:11 Referans Kwoze

Ап. уджъяс 28:19

но иудейяс паныд сувтісны талы. Та вӧсна меным ковмис корны кесарлысь мыждӧм. Дерт, эг сы вӧсна, медым мыжавны мыйыськӧ ассьым войтырӧс.

Ап. уджъяс 26:32

Агриппа шуис Фестлы: «Позьӧ эськӧ вӧлі лэдзны сійӧс, эз кӧ кор кесарлысь мыждӧмсӧ».

Ап. уджъяс 25:25

Но ме эг аддзы мыжсӧ, мыйысь эськӧ позис вины сійӧс. Сылӧн корӧм серти ме шуи мӧдӧдны сійӧс кесар дінӧ.

Ап. уджъяс 25:21

Но Павел корис, мед сійӧс нуӧдасны кесар дінӧ. Сэтчӧ нуӧдтӧдз ме тшӧкті видзны сійӧс дзескыдінын».

1 Фессалоникаӧ 2:15

Господь Исусӧс да Сылысь пророкъяссӧ иудейяс виисны, а миянӧс вӧтлісны. Найӧ дӧзмӧдӧны Енсӧ да став йӧзыслы паныд сувтӧны.

Ап. уджъяс 25:10

Павел шуис: «Ме сулала кесар ёрд водзын, тані колӧ менӧ мыждынысӧ. Иудейяслы ме нинӧм лёксӧ эг вӧч, тэ ачыд тайӧс бура тӧдан.

Ап. уджъяс 22:25

Кор Павелӧс кӧртавлісны тасмаясӧн, сійӧ шуис сё тышкамортӧн веськӧдлысьлы: «Тіянлы ӧмӧй позьӧ мыждытӧг нӧйтны римса мортӧс?»

Ап. уджъяс 18:14

Павел кӧсйис шыасьны, но сэки Галлион шуис иудейяслы: «Иудейяс! Вӧлі кӧ сёрниыс кутшӧмкӧ лёктор вӧчӧм йылысь, ме эськӧ тіянӧс кывзі.

Ап. уджъяс 16:37

Павел шуис юралысьяслӧн отсасьысьяслы: «Миянӧс, римса йӧзӧс, найӧ мыждытӧг став йӧз водзас нӧйтісны да шыбитісны дзескыдінӧ, а ӧні кӧсйӧны гусьӧн лэдзны! Огӧ петӧй. Мед асьныс локтасны да петкӧдасны миянӧс татысь».

Иов 31:21

Ме кӧ кыпӧдлі киӧс батьтӧм-мамтӧм вылӧ, тӧдӧмӧн, мый менам эмӧсь дорйысьяс карса дзиръя дорын,

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».

Нав Исус 22:22

«Господь – енъяслӧн Ен! Господь, енъяслӧн Ен тӧдӧ, и Израиль мед тӧдас. Ми кӧ Господьлы паныд кыпӧдчам да эновтам Сійӧс, мед Сійӧ талун бырӧдас миянӧс.

Еремей 37:18

Еремей нӧшта шуис Седекей ӧксылы: «Мыйӧн ме мыжми тэ водзын, тэнад кесйӧгъяс водзын да тайӧ войтырыс водзын? Мыйла ті пуксьӧдінныд менӧ дзескыдінӧ?

Ап. уджъяс 25:12

Сэки аслас отсасьысьяскӧд сёрнитчӧм бӧрын Фест шуис: «Тэ корин кесарлысь мыждӧм, сідзкӧ, сувтан кесар водзӧ».