Ап. уджъяс 24:22 - Коми Библия 2023

²² Феликс бура тӧдіс ”Господь туй” йылысь велӧдӧмсӧ. Ставсӧ кывзӧм бӧрын сёрнисӧ тупкис да шуис: «Локтас Лисий, сюрс тышкамортӧн веськӧдлысь, сэки ме шуа бӧръя кывсӧ».

Ап. уджъяс 24:22 Referans Kwoze

Ап. уджъяс 26:3

Тэ ӧд бура тӧдан иудей войтырлысь оласногсӧ да налысь вензяна видзӧдлассӧ. Та вӧсна кора тэнӧ терпитӧмӧн кывзыштны менӧ.

Ап. уджъяс 25:26

Меным весиг нинӧм гижнысӧ ыджыднымлы, та вӧсна вайӧді сійӧс тіян водзӧ, торйӧн нин тэ водзӧ, Агриппа ӧксы. Эска, мый тэнад донъялӧм бӧрын менам эм мый гижнысӧ.

Ап. уджъяс 24:24

Кымынкӧ лун мысти локтіс Феликс Друзилла гӧтырыскӧд. Сылӧн гӧтырыс вӧлі иудей войтырысь. Феликс тшӧктіс вайӧдны Павелӧс, медым кывзыны Исус Кристослы эскӧм йылысь.

Ап. уджъяс 24:14

Но веськыда висьтала тэныд: ме кутчыся тайӧ велӧдӧмас, мый найӧ шуӧны пӧръясьӧмӧн, тадзи кесъяла миян батьяслӧн Енлы. Ме эска ставас, мый гижӧма Индӧдын да пророк гижӧдъясын.

Ап. уджъяс 24:10

Кор Феликс сетіс кыв Павеллы, Павел воча шуис: «Ме тӧда, тэ уна во чӧж нин веськыда мыждан тайӧ войтырсӧ. Та вӧсна меным кокньыд тані дорйысьнысӧ.

Ап. уджъяс 24:6

Сійӧ кӧсйис пежавны крамнымӧс, таысь ми и босьтім сійӧс да кӧсйим мыждыны Индӧдным серти.

Ап. уджъяс 18:20

Найӧ корисны Павелӧс олыштны на ордын дырджык, но сійӧ эз кӧсйысь.

Индӧд 19:18

Ставсӧ бура тӧдмалӧм бӧрын кӧ ёрдысьяс казяласны, мый мыжалысь висьталӧ вок йывсьыс ылӧгсӧ,

Матвей 2:7

Ирӧд ас дінас гусьӧн корис тӧдысьясӧс да юаліс налысь кодзув петан кадсӧ.

Ап. уджъяс 9:2

да корис сысянь дамаскса синагогаясӧ гижӧд, медым Исуслы эскысь айуловӧс да аньясӧс позис кӧртавны да вайӧдны Ерусалимӧ.

Ап. уджъяс 19:40

Тайӧ шызьӧмсӧ лэптӧмысь миянӧс ставнымӧс ӧні вермасны мыждыны. Миянлы весиг нинӧмӧн дорйысьнысӧ, ӧд помкаыс некутшӧм абу». Сёрнитӧм бӧрас карса кывкутысь тшӧктіс разӧдчыны йӧзыслы.