Ап. уджъяс 23:9 - Коми Библия 2023

⁹ Вензьысьяс лёкысь горзыны пондісны. Сэки фарисейяс лыдысь Индӧдӧ велӧдысьяс сувтісны да шуисны: «Тайӧ мортыслысь ми нинӧм лёксӧ огӧ аддзӧй. Гашкӧ, збыльысь сыкӧд сёрнитіс Лов либӧ андел. Вайӧ, огӧ пондӧй паныд сувтны Енмыслы».

Ап. уджъяс 23:9 Referans Kwoze

Ап. уджъяс 22:7

Ме уси муас да кылі шыасьӧм: ”Савл, Савл, мыйла вӧтлан Менӧ?”

Иоан 12:29

Сэні сулалысь йӧзыс тайӧс кылӧм бӧрын шуалісны, тайӧ пӧ гым. Мӧдъяс шуалісны, андел пӧ Сыкӧд сёрнитіс.

Ап. уджъяс 26:31

Муніганыс найӧ сёрнитісны ас костаныс: «Тайӧ мортыс абу мыжа, мед вины сійӧс либӧ видзны дзескыдінын».

Ап. уджъяс 25:25

Но ме эг аддзы мыжсӧ, мыйысь эськӧ позис вины сійӧс. Сылӧн корӧм серти ме шуи мӧдӧдны сійӧс кесар дінӧ.

Ап. уджъяс 23:29

Тӧдмалі да, вӧлӧмкӧ, мыжалӧны сійӧс асланыс Индӧд понда, налӧн эм вензяна видзӧдлас. Ме ог аддзы сылысь мыжсӧ, мыйысь эськӧ колӧ сійӧс пуксьӧдны дзескыдінӧ да вины.

Марк 2:16

Индӧдӧ велӧдысьяс да фарисейяс аддзисны, мый Исус сёйӧ мыжа йӧзкӧд да вот перйысьяскӧд. Найӧ юалісны Исуслӧн велӧдчысьяслысь: «Мыйла Сійӧ сёйӧ-юӧ вот перйысьяскӧд да мыжа йӧзкӧд?»

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

1 Коринфӧ 10:22

Ми огӧ кӧсйӧй дӧзмӧдны Господьӧс, ми ӧд Сыысь абу вынаджыкӧсь.

Ап. уджъяс 27:23

Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.

Ап. уджъяс 23:8

Ӧд саддукейяс шуӧны, мый ловзьӧмыс абу, весиг анделъяс и ловъяс абуӧсь, а фарисейяс шуӧны, ставыс пӧ тайӧ эм.

Ап. уджъяс 11:17

Енмыс кӧ миянлы моз и налы сетіс тайӧ козинсӧ, кор найӧ эскисны Господь Исус Кристослы, сідзкӧ, коді ме сэтшӧмыс, медым паныд сувтны Енмыслы?»

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

Ап. уджъяс 5:39

а Енсянь кӧ, ті онӧ вермӧй кисьтнысӧ. Видзчысьӧй Енлы паныд сувтӧмысь».

Лука 23:22

Пилат коймӧдысь шыасис на дінӧ: «Мый лёксӧ Сійӧ вӧчис? Ме ог аддзы сэтшӧм мыжсӧ, мыйысь эськӧ колӧ вины Сійӧс. Тшӧкта нӧйтны, сэсся лэдза».

Лука 23:4

Пилат шуис аркирейяслы да став йӧзыслы: «Ог аддзы помкасӧ, мед мыждыны тайӧ Мортсӧ».

Лука 5:30

Фарисейяс да Индӧдӧ велӧдысьяс шуасисны Исуслӧн велӧдчысьяс вылӧ. Найӧ юалісны: «Мыйла ті сёянныд-юанныд вот перйысьяскӧд да мыжа йӧзкӧд?»

Ӧксыяслӧн 1 небӧг 24:17

Кор Давид помаліс сёрнисӧ, Саул шуис: «Тэнсьыд-ӧ гӧлӧс шытӧ кыла, Давид пиӧй?» Сэсся гораа бӧрддзис.

Ӧксыяслӧн 1 небӧг 12:5

Самуил шуис налы: «Господь кылӧ, и Сылӧн мавтыштӧмаыс талун кылӧ тіянлысь висьталӧмтӧ, мый ме сайын нинӧм абу». Ставныс шуисны: «Господь кылӧ».

Еремей 26:16

Юралысьяс да став войтырыс шуисны попъяслы да пророкъяслы: «Тайӧ мортсӧ оз ков мыждыны да вины, ӧд сійӧ пророкаліс миян Господь Енлӧн нимсянь».

Ап. уджъяс 22:6

Дамаскӧ матыстчигӧн луншӧр кадӧ ме гӧгӧр виччысьтӧг югнитіс енэжсяньыс дзирдалана югыд.