Ап. уджъяс 23:1 - Коми Библия 2023

¹ Павел сюся видзӧдліс веськӧдлан котыр вылӧ да шуис: «Вокъяс! Тайӧ лунӧдзыс ме пыр олі Ен водзын сӧстӧм сьӧлӧмӧн».

Ап. уджъяс 23:1 Referans Kwoze

Ап. уджъяс 24:16

Ме век зіля овны Ен водзын да йӧз водзын сӧстӧм сьӧлӧмӧн.

2 Тимофейлы 1:3

Аттьӧала Енсӧ, кодлы ме кесъяла батьясным моз сӧстӧм сьӧлӧмӧн. Лун и вой кевмысигам ме век казьтывла тэнӧ.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

Еврейяслы 13:18

Кевмысьӧй миян вӧсна. Ми тӧдам, мый миян сьӧлӧмным оз мыжды миянӧс, ӧд ми ставсӧ кӧсъям вӧчны веськыда.

1 Коринфӧ 4:4

Сьӧлӧмӧй оз мыжды менӧ, но тайӧ оз на висьтав менам веськыдлун йылысь, ӧд менӧ мыждысьыс – Господь.

Ап. уджъяс 22:5

Та йылысь вермас висьтавны ачыс аркирей да юрнуӧдысьяс. Насянь менам вӧлі гижӧд Дамаскын олысь вокъяслы. Тайӧ гижӧднас ме муні сэтчӧ, медым кӧртавны Исуслы эскысьясӧс да мыждӧм могысь вайӧдны найӧс Ерусалимӧ.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

Ап. уджъяс 23:6

Веськӧдлан котырын вӧліны саддукейяс да фарисейяс. Тайӧс казялӧм бӧрын Павел гораа шыасис: «Вокъяс! Ме ачым фарисей, фарисейлӧн пи. Менӧ мыжалӧны сыысь, мый ме эска кулӧмаяслӧн ловзьӧмӧ».

Шусьӧгъяс 28:1

Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

Ап. уджъяс 22:30

Сюрс тышкамортӧн веськӧдлысь кӧсйис збыльысь тӧдмавны, мыйысь иудейяс мыжалӧны Павелӧс. Та вӧсна аскинас тшӧктіс разьны Павеллысь кӧртӧдъяссӧ да чукӧртны аркирейясӧс да став веськӧдлан котырсӧ. Сэсся петкӧдіс Павелӧс на водзӧ.

Ап. уджъяс 6:15

Веськӧдлан котырын пукалысьяс синсӧ вештывтӧг видзӧдісны Степан вылӧ, сылӧн чужӧмыс вӧлі анделлӧн кодь.

Ап. уджъяс 22:1

«Вокъясӧй да батьясӧй, кывзӧй! Ачымӧс дорйӧм могысь ме кӧсъя мыйкӧ шуны тіянлы».

Матвей 5:22

Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Ап. уджъяс 23:15

Ӧні тіянлы веськӧдлан котыркӧд колӧ юӧртны сюрс тышкамортӧн веськӧдлысьлы, медым сійӧ аски вайӧдас Павелӧс тіян дінӧ. Шуӧй, мый ті кӧсъянныд бурджыка тӧдмавны, мыйысь сійӧс мыжалӧны. А ми вайӧдігас виам Павелӧс».

Ап. уджъяс 23:20

Сійӧ шуис: «Иудейяс сёрнитчӧмаӧсь корны тэнӧ, медым тэ аски вайӧдін Павелӧс веськӧдлан котыр водзӧ. Найӧ ылӧдлӧмӧн корасны бурджыка тӧдмавны, мыйысь Павелыс мыжа.

Ап. уджъяс 23:28

Нӧшта кӧсйи тӧдмавны, мыйысь сійӧс мыжалӧны. Тайӧ могнас нуӧді сійӧс налӧн веськӧдлан котыр водзӧ.