Ап. уджъяс 21:40 - Коми Библия 2023

⁴⁰ Павеллы лэдзисны сёрнитны. Сод вылас сулалӧмӧн Павел лэптіс кисӧ. Кор йӧзыс ланьтісны, сійӧ пондіс сёрнитны еврей кыв вылын:

Ап. уджъяс 21:40 Referans Kwoze

Ап. уджъяс 12:17

Петыр сетіс кинас пас, медым найӧ лӧнясны. Сэсся висьталіс налы, кыдзи Господь петкӧдіс сійӧс дзескыдінысь. «Юӧртӧй та йылысь Яковлы да мукӧд вокъяслы», – шуис Петыр. Та бӧрын петіс на дінысь да муніс мӧдлаӧ.

Ап. уджъяс 26:14

Ми ставным усим муас. Сэки ме кылі еврей кыв вылын ме дінӧ шыасьӧм: ”Савл, Савл, мыйла вӧтлан Менӧ? Сьӧкыд тэныд мунны ёсь зорлы паныд”.

Ап. уджъяс 22:2

Кор найӧ кылісны Павеллысь еврей кыв вылын шыасьӧмсӧ, чӧв ланьтісны. Павел шуис:

Иоан 5:2

Ерусалимын, Ыж дзиръя дорын, вӧлі вайӧртӧд. Еврей ногӧн сійӧ шусис Бетзата. Вайӧртӧд дінас вӧлі вит пыранін, найӧ вӧліны вевт улынӧсь.

Ап. уджъяс 21:35

Содйӧд кайигӧн йӧзлӧн дзескӧдӧм вӧсна шыпуртаяслы ковмис нуны Павелӧс ки выланыс.

Ап. уджъяс 19:33

Сэні вӧліны тшӧтш иудейяс. Найӧ мырдӧн тшӧктісны Ӧльӧксандрлы петны йӧз водзӧ. Ӧльӧксандр сетіс кинас пас, мед ланьтасны, да кӧсйис нин сёрнитны.

Восьтӧм 16:16

Пеж ловъяс чукӧртісны мувывса ӧксыясӧс ӧти местаӧ. Тайӧ местаыс еврей ногӧн шусьӧ Армагеддон.

Восьтӧм 9:11

Налӧн ӧксынас вӧлі пыдӧстӧминысь андел. Сылӧн нимыс еврей ногӧн лоӧ Авадон, а грек ногӧн – Аполион.

Ап. уджъяс 13:16

Сэки сувтіс Павел, сетіс кинас пас да шуис: «Израиль войтыр да Енмысь полысьяс, кывзӧй!

Ап. уджъяс 6:1

Велӧдчысьяслӧн лыдыс лунысь-лун содіс. Грек кывйӧн сёрнитысь иудейяс пондісны шуасьны сэтчӧс олысь иудейяс вылӧ, мыйла пӧ быдлунъя коланатор юклігӧн ӧтдортанныд миянлысь дӧваясӧс.

Иоан 19:20

Тайӧ гижӧдсӧ иудейясысь унаӧн лыддисны, ӧд Исусӧс тувъяланіныс вӧлі карсяньыс матын. Гижӧдсӧ вӧлі гижӧма еврей, грек да латин кывйӧн.

Иоан 19:17

Крестсӧ нуигтыр Исус кайис Юр лы нима керӧсӧ, еврей ногӧн Голгопа керӧсӧ.

Иоан 19:13

Тайӧс кылӧм бӧрын Пилат петкӧдіс Исусӧс ывлаӧ, ачыс пуксис изэрдвывса мыждан пуклӧсӧ. Еврей ногӧн Изэрдыс шусис Габбата.

Лука 23:38

Исус юр весьтын грек, латин да еврей кывъясӧн вӧлі гижӧма: «Тайӧ – иудейяслӧн Ӧксы».

Ӧксыяслӧн 4 небӧг 9:13

Веськӧдлысьяс дзик пыр пӧрччисны вылыс паськӧмнысӧ да вольсалісны сод тшупӧдъяс вылӧ Ехулы кок улас. Сэсся букӧстісны буксанӧн да горӧдісны: «Еху – миян ӧксы!»

Ап. уджъяс 1:19

Та йылысь тӧдмаліс став Ерусалимыс. Та вӧсна муыслы сетісны Акелдама ним, мый лоӧ ”вир му”.