Ап. уджъяс 20:28 - Коми Библия 2023

²⁸ Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Ап. уджъяс 20:28 Referans Kwoze

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

1 Тимофейлы 3:2

Вичкоса веськӧдлысьӧн вермӧ лоны сӧмын сӧстӧм оласнога, ӧти гӧтыра, садь да сюсь вежӧра, бур оласнога морт. Ветлысь-мунысьӧс сибӧдӧ, кужӧ велӧдны,

Ап. уджъяс 13:2

Кор найӧ видзалӧмӧн кесъялісны Господьлы, Вежа Лов шуис: «Торйӧдӧй Меным Варнаваӧс да Савлӧс, Ме кори найӧс торъя удж вӧчны».

Еремей 3:15

Ме сета тіянлы видзысьясӧс, кодъяс лоӧны Меным сьӧлӧм серти. Найӧ пондасны видзны тіянӧс мывкыдлунӧн да вежӧрлунӧн.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

1 Тимофейлы 5:17

Вичкоса юрнуӧдысьясӧс, кодъяс бура уджалӧны, колӧ вылӧ донъявны, торйӧн нин Ен кыв висьталысьясӧс да велӧдысьясӧс. Колӧ бура мынтысьны налы.

1 Коринфӧ 10:32

Энӧ лоӧй крукӧдӧн некодлы: ни иудейяслы, ни грекъяслы, ни Енлӧн вичколы.

Микей 5:4

И локтас Сійӧ, коді кутас видзны Господь вынӧн, Аслас Господь Енлӧн медыджыд нимнас. Найӧ кутасны повтӧг овны, ӧд Сійӧ кутас ыджыдавны став му пасьтала.

Филипӧ 1:1

Павел да Тимофей, Исус Кристослӧн кесйӧгъяс, чолӧмалӧны Филип карын олысь да Исус Кристослы эскысь став вежа войтырӧс, вичкоса веськӧдлысьясӧс да отсасьысьясӧс.

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Езекиль 34:31

Ті – Менам ыжъясыс, Менам видз вылысь ыж чукӧрыс. Ті – мувывса йӧз, а Ме – тіян Ен, – висьталӧ Господь Ыджыдыс».

1 Тимофейлы 3:5

Сійӧ кӧ оз сяммы веськӧдлыны гортсанас, вермас-ӧ тӧждысьны Енлӧн вичкоыс вӧсна?

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

1 Тимофейлы 4:14

Видз Енсянь сетӧмторсӧ, кодӧс вӧлі сетӧма тэныд пророклӧн висьталӧмыс пыр вичкоса юрнуӧдысьяслӧн ки пуктылігӧн.

Ефесӧ 1:14

Тайӧ Лолыс эскӧдӧ миянӧс, мый миянлы вичмас Енлӧн кӧсйысьӧмыс, и миян вӧсна вештысьӧма. Сідзкӧ, ошкам Енсӧ Сылӧн дзирдлунысь!

Галатӧ 1:13

Ті, дерт, кывлінныд, мый водзынсӧ ме иудей эскӧм дор вӧлі, ёна вӧтлі Енлысь вичкосӧ да зіли бырӧдны сійӧс.

Ап. уджъяс 20:29

Ме тӧда, мый менам мунӧм бӧрын пырасны тіян пӧвстӧ горш кӧинъяс да пондасны усьласьны чукӧрныд вылӧ.

Ап. уджъяс 20:17

Милитсянь Павел ыстіс юӧр – корис ас дінас Ефесысь вичкоса юрнуӧдысьясӧс.

Ап. уджъяс 14:23

Быд вичкоын ки пуктылӧм пыр найӧ индісны юрнуӧдысьясӧс. Сэсся кевмысьӧм да видзалӧм бӧрын сетісны эскысьясӧс Господь киӧ, кодлы найӧ и эскисны.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

1 Петыр 2:25

Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Колосӧ 4:17

Аркиплы висьталӧй, мед бура уджалас да помӧдз вайӧдас Господьсянь сетӧм уджсӧ.

Ефесӧ 4:11

Ӧтиясӧс Сійӧ сувтӧдіс апостолъясӧн, мӧдъясӧс – пророкъясӧн, коймӧдъясӧс – буръюӧртысьясӧн, нёльӧдъясӧс – вичкоса веськӧдлысьясӧн, витӧдъясӧс – велӧдысьясӧн,

1 Коринфӧ 15:9

Ӧд на пӧвстын ме медшогмытӧмыс. Ме ог шогмы весиг шусьыны апостолӧн, Енлысь вичкосӧ вӧтлі да.

1 Коринфӧ 1:2

ми чолӧмалам тіянӧс, Енлысь коринфса вичкосӧ. Исус Кристос пыр Енмыс вежӧдіс тіянӧс да корис лоны Аслас вежа войтырӧн. Ми чолӧмалам быдӧнӧс, коді быдлаын миян моз шыасьӧ Исус Кристос Господьным дінӧ.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

Титлы 1:7

Вичкоса веськӧдлысьӧн вермӧ лоны сӧмын бур оласнога морт, ӧд сылы сетӧма вӧчны Енлысь удж. Мед сійӧ эз вӧв асныра, эз вӧв дӧзмысь, эз ю, эз усьлась мукӧд вылӧ, аслыс эз курав,

Колосӧ 1:14

Ӧд Пиыс вештысис миян вӧсна Аслас вирнас да прӧститіс мыжъяснымӧс.

1 Коринфӧ 11:22

Ті ӧмӧй онӧ вермӧй гортаныд сёйны-юнысӧ? Мыйла нӧ нинӧм туйӧ пуктанныд Енлысь вичкосӧ да увтыртанныд гӧльясӧс? Мый меным шуны тіянлы? Гашкӧ, ошкыны тіянӧс? Ог кут!

Марк 13:9

Видзӧдӧй ас бӧрсяныд. Тіянӧс кыскасны ёрдӧ да нӧйтасны синагогаясын. Ме вӧсна тіянӧс нуӧдасны юралысьяс да ӧксыяс водзӧ, медым найӧ тӧдісны Ме йылысь.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Матвей 2:6

– Иуда муын Виплием кар, Иудалӧн мукӧд юрнуӧдан каръясысь тэ абу ичӧтджык. Виплием карысь петас Юралысь, Менсьым ыжъясӧс, Израиль войтырӧс, Сійӧ видзны кутас».

Закар 11:4

Господь, менам Ен, тадзи висьталӧ: «Видз ыжъясӧс, кодъясӧс шуӧма начкыны.

Езекиль 34:3

Ті сэтшӧм ыж видзысьяс, кодъяс начкӧны тшӧг ыжъяссӧ да сёйӧны налысь госсӧ, пасьталӧны вурун паськӧм, но ыж чукӧр вӧсна оз тӧждысьны.

Еремей 13:20

– Ерусалим, лэпты синтӧ да видзӧдлы войвывсянь локтысьяс вылӧ! Кӧні тэныд сетӧм войтырыд, мича ыж чукӧр кодь олысьясыд?

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Исай 63:11

Сэки важся кадсӧ, Мӧисей дырся лунъяссӧ, казьтыштігӧн Господьлӧн войтырыс шуис: – Кӧні Сійӧ, коді петкӧдіс Ассьыс ыж чукӧрсӧ саридзысь, мездіс найӧс да налысь видзысьсӧ? Кӧні Сійӧ, коді сетіс Аслас войтырлы Вежа Ловсӧ?

Шусьӧгъяс 10:21

Веськыда олысьлӧн кывйыс унаӧс вердӧ, мывкыдтӧмъяс куласны вежӧртӧмлунныс вӧсна.

Псалтыр 74:2

Енмӧй, ошкам Тэнӧ, ошкам, ӧд Тэ матын. Йӧзыс висьтавлӧны Тэнад шензьӧдана уджъясыд йылысь.

Еремей 31:10

Войтыръяс, кывзӧй Господьлысь кывсӧ, саридз сайын олысьяслы юӧртӧй: «Израиль войтырӧс разӧдысь бӧр чукӧртас найӧс, ыж видзысь моз кутас видзны найӧс».

Римӧ 16:16

Чолӧмалӧй ӧта-мӧднытӧ вежа окыштӧмӧн. Тіянлы ыстӧны чолӧм Кристослӧн вичкояс.

1 Коринфӧ 6:20

Енмыс ньӧбис тіянӧс ыджыд дон вылӧ. Сідзкӧ, ошкӧй Енсӧ вир-яйнад и ловнад, ӧд ставыс Сылӧн.

1 Тимофейлы 3:1

Коді кӧсйӧ вичкоӧн веськӧдлыны, сійӧ бур удж кӧсйӧ вӧчны – тайӧ тадзи.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.