Ап. уджъяс 2:42 - Коми Библия 2023

⁴² Эскысьяс став сьӧлӧмнас кутчысисны апостолъяслӧн велӧдӧмӧ. Найӧ пыр ӧтлаын чукӧртчывлісны, нянь чегисны да кевмысисны.

Ап. уджъяс 2:42 Referans Kwoze

Еврейяслы 10:25

Кодсюрӧ дугӧдчӧмаӧсь ӧтвыв чукӧртчӧмысь, но ми тадзи огӧ вӧчӧй. Мӧдарӧ, миянлы колӧ ёнджыка на ышӧдны ӧта-мӧднымӧс, ӧд Господьлӧн луныс матын нин.

Ап. уджъяс 1:14

Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

1 Иоан 1:3

Аддзывлӧм-кывлӧмыс йылысь висьталам тіянлы, мед эськӧ ті вӧлінныд миянкӧд ӧтув. А ми ӧтувъяӧсь Батькӧд да Сылӧн Исус Кристос Пиыскӧд.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

Ап. уджъяс 20:7

Вежонса медводдза лунӧ сэтчӧс велӧдчысьяс чукӧртчисны нянь чегны. Павеллы аскинас колӧ вӧлі петны туйӧ, та вӧсна сійӧ дыркодь сёрнитіс накӧд. Сёрниыс нюжаліс войшӧрӧдз.

Ефесӧ 6:18

Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.

Иуда 1:20

Но ті, мусаяс, ёнмӧдӧй асьнытӧ вежа эскӧмнаныд, кевмысьӧй Вежа Лов нуӧдӧм улын.

Колосӧ 4:2

Садьмӧдчӧй, дугдывтӧг кевмысьӧй. Вӧчӧй тайӧс Енмӧс аттьӧалӧмӧн.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

2 Тимофейлы 3:14

Но тэ зумыда кутчысь сэтчӧ, мыйӧ тэнӧ велӧдӧма да мыйӧ тэ эскин. Тэ ӧд тӧдан, коді велӧдіс тэнӧ.

Ефесӧ 2:20

Тіянӧс сувтӧдӧма сійӧ подув вылас, мый пуктісны апостолъяс да пророкъяс. Тайӧ тэчасас пельӧс изйыс – Ачыс Исус Кристос.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Ап. уджъяс 6:4

Асьным ми водзӧ пондам кевмысьны да висьтавлыны Енлысь кывсӧ».

Ап. уджъяс 4:31

Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.

1 Коринфӧ 10:21

Ті онӧ вермӧй ӧтпырйӧ юны Господьлӧн чашаысь да пеж ловъяслӧн чашаысь. Ті онӧ вермӧй ӧтпырйӧ сёйны Господькӧд да пеж ловъяскӧд.

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Еврейяслы 10:39

Но ми абу на пӧвстысь, коді Енсьыс кежӧ да кулӧ. Ми на пӧвстысь, коді эскӧ да босьтӧ мездмӧмсӧ.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

1 Коринфӧ 11:2

Вокъяс, ошка тіянӧс, ӧд ті нинӧм абу вунӧдӧмныд менам висьтавлӧмысь. Ті ставсӧ вӧчанныд менам велӧдӧм серти.

Ап. уджъяс 20:11

Сэсся Павел бӧр кайис вылі судтаас. Нянь чегӧм бӧрын сійӧ сёйыштіс да бура дыр на, югдытӧдзыс, сёрнитіс велӧдчысьяскӧд, сэсся муніс.

1 Иоан 2:19

Найӧ петісны миян пӧвстысь, но найӧ эз вӧвны миянкӧд ӧтув. Вӧліны кӧ миянкӧд ӧтув, кольччисны эськӧ миянкӧд. Но налӧн петӧмыс висьталӧ, мый найӧ абу миянкӧд.

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Ап. уджъяс 4:23

Дзескыдінысь петӧм бӧрын Петыр да Иоан мунісны вокъясныс дінӧ. Сэні найӧ висьталісны аркирейяслӧн да юрнуӧдысьяслӧн ӧлӧдӧм йылысь.

Лука 24:35

Тайӧ кыкыс висьталісны, мый лои туйын, да кыдзи тӧдісны Исусӧс нянь чегигас.

Лука 24:30

Сёйиганыс Исус босьтіс нянь, Енмӧс аттьӧалӧмӧн чегъяліс няньсӧ да сетіс налы.

1 Коринфӧ 14:6

Вокъяс, ме кӧ локта тіян дінӧ да кута сёрнитны мукӧд кывъяс вылын, но ог вай тіянлы Енсянь восьтӧм да тӧдӧмлун, ог пророкав да ог велӧд тіянӧс – тайӧ нинӧм оз сет тіянлы.

Филипӧ 1:5

Ӧд ті медводдза лунсяньыс да ӧнӧдз на оланныд Бур Юӧрӧ эскӧмӧн.