Biblia Todo Logo
Bib sou entènèt

- Piblisite -




Ап. уджъяс 2:4 - Коми Библия 2023

4 Сэки ставныс найӧ тырисны Вежа Лолӧн да пондісны сёрнитны мукӧд кывъяс вылын, кыдзи Лов сетіс налы висьтавнысӧ.

Gade chapit la Kopi




Ап. уджъяс 2:4
55 Referans Kwoze  

Эскысьяслӧн лоасны татшӧм индысьпасъяс: Менам нимӧн пондасны вӧтлавны пеж ловъясӧс да сёрнитны выль кывъяс вылын.


Антиокияын жӧ велӧдчысьяс тырисны нимкодьлунӧн да Вежа Лолӧн.


Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.


Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.


Мукӧдыслы Лолыс сетӧ вын вӧчны шензьӧданаторъяс, кодлыкӧ – пророкавны, кодлыкӧ – сямлун тӧдмавны быдпӧлӧс ловсӧ. Мукӧдыслы Лолыс сетӧ сямлун сёрнитны мукӧд кывъяс вылын, а кодлыкӧ – гӧгӧрвоӧдны тайӧ сёрнисӧ.


Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.


Кор Павел пуктіс кисӧ на вылӧ, сэки лэччис на вылӧ Вежа Лов. Найӧ пондісны сёрнитны мукӧд кывъяс вылын да пророкавны.


ӧд кылісны налысь мукӧд кывъяс вылын сёрнитӧмсӧ да Енмӧс ошкӧмсӧ. Сэки Петыр шуис:


Ананий муніс, пырис Иуда керкаӧ да Савл вылӧ кисӧ пуктӧмӧн шуис: «Савл вокӧй! Менӧ мӧдӧдіс тэ дінӧ Господь Исус, коді петкӧдчис тэныд туй вылын. Сійӧ мӧдӧдіс менӧ, медым тэ бара кутін аддзыны да тырин Вежа Лолӧн».


Вежа Лолӧн тырӧм Степан видзӧдліс енэжӧ. Сійӧ аддзис Енлысь дзирдлунсӧ да Ен веськыдладорын сулалысь Исусӧс.


Иоан пыртіс ваӧн, но кымынкӧ лун мысти тіянӧс лоӧ пыртӧма Вежа Лолӧн».


Муслуныс некор оз бырлы. Пророкъяс дугдасны висьтавлыны, йӧзыс дугдасны сёрнитны мукӧд кывъяс вылын, и тӧдӧмлуныс бырӧ,


Ме кӧ сёрнита морт кывйӧн, весиг анделъяслӧн кывйӧн, а муслуныс кӧ ме пытшкын абу, сідзкӧ, ме троньгысь ыргӧн да брунгысь жыннян.


Савл, мӧд ногӧн Павел, Вежа Лолӧн тырӧмӧн веськыда сылы синмас видзӧдӧмӧн шуис:


Нӧшта эмӧсь тані Критысь да Аравияысь локтысьяс. Быдӧн тай нӧ ми асланым кыв вылын Енлӧн ыджыд уджъяс йылысь кылам».


Сійӧ кадас Вежа Лов туйдӧдас тіянӧс, мый колӧ шунысӧ».


Ошка Енмӧс, ме быдӧн дорысь на ёнджыка сёрнита мукӧд кывъяс вылын.


Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.


Сэки Петыр, коді вӧлі тырӧма Вежа Лолӧн, шуис налы: «Войтырлӧн юралысьяс да юрнуӧдысьяс!


Тайӧс шуӧм бӧрын Сійӧ пӧльыштіс налань да шуис: «Сибӧдӧй Вежа Лолӧс.


Исус локтіс Йӧрдан ю дорысь. Сійӧ вӧлі тырӧма Вежа Лолӧн, и Лов нуӧдіс Сійӧс овтӧминӧ.


Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.


Ме кӧсъя, медым ті быдӧн сёрнитінныд мукӧд кывъяс вылын. Но вӧлі эськӧ бурджык, ті кӧ пророкалінныд, ӧд пророкалысь ыджыдджык мукӧд кывъяс вылын сёрнитысь дорысь. Но мукӧд кывъяс вылын сёрнитысь кӧ вермӧ гӧгӧрвоӧдны ассьыс висьталӧмсӧ, и тайӧ ёнмӧдӧ вичкосӧ, сэки сійӧ оз ло ичӧтджык пророкалысь дорысь.


И кор ме куті сёрнитны, на вылӧ лэччис Вежа Лов, кыдзи водзынсӧ миян вылӧ.


Тайӧ вӧзйӧмыс ставныслы воис сьӧлӧм вылас. Бӧрйисны Степанӧс, кодлӧн вӧлі зумыд эскӧм. Сійӧ вӧлі тырӧма Вежа Лолӧн. Нӧшта бӧрйисны Филипӧс, Прокорӧс, Никанорӧс, Тимонӧс, Парменӧс да Антиокияысь Николайӧс, коді вӧлі бергӧдчӧма иудей эскӧмӧ.


Та вӧсна, вокъяс, бӧрйӧй ас пӧвстсьыныд сизим мортӧс, кодъяс мывкыдаӧсь да тырӧмаӧсь Вежа Лолӧн. Найӧс пуктам тайӧ уджсӧ вӧчны.


Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».


Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.


Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.


Та вӧсна Господь кутас сёрнитны тайӧ войтырыскӧд гӧгӧрвотӧм кывъясӧн, мукӧд войтырлӧн кывйӧн.


Господьлӧн Лов сёрнитӧ ме пыр, Сылӧн кывйыс петӧ менам вомысь.


Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.


да гӧгӧрвоны Сылысь вежӧрӧ тӧртӧм муслунсӧ. Сэки тіян пытшкын лоӧ Енлӧн став тыр-бурыс.


Варнава вӧлі бур морт, тырӧма Вежа Лолӧн. Сылӧн вӧлі зумыд эскӧм. Унаӧн сэки бергӧдчисны Господь дінӧ.


Степан вӧлі тырӧма Енсянь вынӧн да эскӧмӧн, сійӧ вӧчис йӧз пӧвстын ыджыд шензьӧданаторъяс.


Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.


Кагалӧн Закар батьыс тырис Вежа Лолӧн да пондіс пророкавны:


Мариялӧн чолӧмалӧмысь Елизаветалӧн кынӧмас кагаыс чеччыштліс. Елизавета тырис Вежа Лолӧн


А ме тырӧма вынӧн да Господьлӧн Лолӧн, веськыдлунӧн да вынйӧрӧн, медым Яков рӧдлы юӧртны сылӧн лёк вӧчӧм йылысь, Израиль войтырлы – сылӧн мыж йылысь.


Кор тіянӧс нуӧдасны ёрдӧ, энӧ майшасьӧй, кыдзи да мый шуны, ӧд сійӧ кадас тіянлы лоӧ сетӧма, мый висьтавнысӧ.


Вись ваян мыльк дорӧ воигӧн Саул да кесйӧгыс паныдасисны пророкъяскӧд. Сэки Енлӧн Лов лэччис Саул вылӧ, и сійӧ накӧд тшӧтш кутіс пророкавны.


Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.


Мун пленын олысь аслад войтырыд дінӧ да шу налы, мый тадзи висьталӧ Господь Ыджыдыс. Ставсӧ висьтав, кывзасны-ӧ либӧ оз кывзыны найӧ тэнӧ».


Та вӧсна ме тырӧма Господьлӧн скӧрлунӧн, ас пытшкам ог вермы кутны сійӧс. Господьӧй, кисьт скӧрлунтӧ туй вылын ветлӧдлысь челядь вылӧ, чукӧртчӧм зонъяс вылӧ. Айуловӧс да аньясӧс нуӧдасны пленӧ, нуӧдасны тшӧтш пӧрысь да олӧма йӧзӧс.


Илий шуис Анналы: «Дыр-ӧ на тэ кутан кодавны? Пальӧдчы! [Мун Господь водзысь!]»


Найӧ аддзисны ыпъялысь би кывъяс. Тайӧ би кывъясыс торъялісны да лэччисны быдӧн вылӧ.


Апостолъяс пуктылісны на вылӧ кинысӧ, сэки Вежа Лов лэччис на вылӧ.


«Вермас-ӧ кодкӧ кутны найӧс пыртчӧмысь, налы кӧ миянлы моз тшӧтш сетӧма Вежа Ловсӧ?»


Сьӧлӧмтӧдысь Ен сетіс налы миянлы моз Вежа Ловсӧ, тайӧн петкӧдліс, мый Сійӧ сибӧдӧ найӧс.


Swiv nou:

Piblisite


Piblisite