Ап. уджъяс 2:24 - Коми Библия 2023

²⁴ Но Енмыс ловзьӧдіс Сійӧс да мездіс кулӧмыслӧн вын улысь. Кулӧмыс эз вермы Сійӧс кутны.

Ап. уджъяс 2:24 Referans Kwoze

1 Коринфӧ 6:14

Енмыс ловзьӧдіс Господьӧс, Аслас вынӧн Сійӧ ловзьӧдас тшӧтш миянӧс.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

Колосӧ 2:12

Пыртчиганыд тіянӧс гуалӧма да ловзьӧдӧма Кристоскӧд эскӧм пыр. Ті ӧд эскинныд Кристосӧс ловзьӧдысь Енлӧн вынӧ.

Ап. уджъяс 2:32

Дзик тайӧ Исусӧс Енмыс ловзьӧдіс, и ми ставным тайӧс аддзылім.

Ефесӧ 1:20

Енмыс петкӧдліс Кристос пыр, кор ловзьӧдіс Сійӧс кулӧмысь да пуксьӧдіс енэжас, Ас веськыдладорас,

Иоан 10:18

Менсьым олӧмӧс некод оз вермы мырддьыны, Ме Ачым сета сійӧс. Ме верма сетны сійӧс, и верма бӧр босьтны. Тадзи тшӧктіс вӧчны Менам Батьӧй».

2 Коринфӧ 4:14

Ми тӧдам, мый Сійӧ, коді ловзьӧдіс Господь Исусӧс, ловзьӧдас Исус пыр тшӧтш миянӧс да сувтӧдас тіянкӧд Ас водзас.

Римӧ 8:11

Тіян пытшкын кӧ олӧ Енлӧн Лолыс, коді ловзьӧдіс Исусӧс кулӧмысь, сідзкӧ, Кристосӧс Ловзьӧдысь ловзьӧдас тшӧтш тіянлысь кулана вир-яйнытӧ сійӧ Ловнас, коді олӧ тіян пытшкын.

Римӧ 6:4

Пыртчӧмнаным ми кулім Кристоскӧд да миянӧс вӧлі гуалӧма Сыкӧд. Но Батьыслӧн дзирдлунӧн Кристосӧс вӧлі ловзьӧдӧма, та вӧсна ми тшӧтш вермам овны выль олӧмӧн.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

1 Фессалоникаӧ 1:10

и виччысьны енэжсянь Енлысь Писӧ – Исусӧс, кодӧс Енмыс ловзьӧдіс кулӧмысь. Сійӧ мездас миянӧс локтана скӧрлунысь.

Римӧ 10:9

Ӧд вомнад кӧ висьталан Исусӧс Господьӧн да сьӧлӧмнад кӧ эскан, мый Енмыс ловзьӧдіс Сійӧс кулӧмысь, мездман.

Римӧ 4:24

тшӧтш миян йылысь. Ен шуас веськыда олысьясӧн тшӧтш миянӧс, эскам кӧ Сылы, Исус Господьнымӧс Ловзьӧдысьлы.

Ап. уджъяс 17:31

Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».

Ап. уджъяс 13:30

Но Енмыс ловзьӧдіс Сійӧс.

Ап. уджъяс 3:15

Ті олӧм Сетысьӧс виинныд, но Енмыс ловзьӧдіс Сійӧс. Тайӧс ми аддзылім да висьталам та йылысь.

Галатӧ 1:1

Гижӧ Павел. Менӧ пуктӧма апостолавны абу йӧз кӧсйӧм серти. Эз морт менӧ пукты апостолӧ, а Исус Кристос да Сійӧс ловзьӧдысь Ен Бать.

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».

1 Коринфӧ 15:15

Сідзкӧ, артмӧ, мый ми Ен йылысь ылӧгсӧ висьталысьяс, ӧд ми висьтавлам, мый Енмыс ловзьӧдіс Кристосӧс. Но ті кӧ шуанныд, кулӧмаяс пӧ оз ловзьыны, сідзкӧ, Енмыс эз ловзьӧд Кристосӧс.

Ап. уджъяс 13:37

а Сійӧ, кодӧс Ен ловзьӧдіс, эз аддзыв сісьмӧмсӧ.

Ап. уджъяс 4:10

Сідзкӧ, ті да став Израиль войтыр, тӧдӧй, мый Назаретса Исус Кристос нимӧн, Сылӧн вын отсӧгӧн, тайӧ мортыс сулалӧ тіян водзын дзоньвидза. Ті тувъялінныд Исус Кристосӧс крестӧ, но Енмыс ловзьӧдіс Сійӧс.

Иоан 20:9

Ӧд найӧ эз на гӧгӧрвоны Гижӧдсьыс, мый Исус ловзяс.

Восьтӧм 1:18

Ме ловъя. Ме вӧлі кулӧма, но ӧні ловъя нэмъяс чӧж. Аминь. Менам киын адысь да кулӧмысь восьтаныс.

1 Коринфӧ 15:12

Ми висьтавлам ловзьӧм Кристос йылысь. Сідзкӧ, мыйла тіян пиысь ӧткымынӧн шуӧны, кулӧмаяс пӧ оз ловзьыны?

Римӧ 14:9

Кристос ӧд куліс, ловзис да олӧ, медым ыджыдавны кулӧмаяс да ловъяяс вылын.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.

Иоан 12:39

Найӧ эз вермыны эскыны, кыдзи висьтавліс на йылысь Исай:

Исай 26:19

Господьӧй, Тэнад кулӧмаясыд ловзясны, шойяс чеччасны дзебанінысь. Садьмӧй да нимкодясьӧй, му пытшкын куйлысьяс! Тэнад югыд лысваыд юкталӧ мусӧ, и муыс бӧр сетас кулӧмаясӧс.

Исай 25:8

Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Матвей 27:63

да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Иоан 10:35

Гижӧдыс оз вежсьы. Енмыс кӧ шуис енъясӧн найӧс, кодъяслы сетіс Ассьыс кывсӧ,

Осий 13:14

Мезда-ӧ Ме сійӧс кулӧмыслӧн кабыр улысь, ньӧба-ӧ сійӧс кулӧмыслысь? Кулӧм, кӧні тэнад чушканыд? Кулӧм, кӧні тэнад вермӧмыд? Жалитӧмыс Менам оз ло.

Ап. уджъяс 1:16

«Вокъясӧй, Гижӧдыслы колӧ вӧлі инны. Ӧд Давид пыр на Вежа Лов висьтавліс Иуда йылысь, коді вайӧдіс Исус дінӧ Сійӧс босьтысьясӧс.

Исай 10:7

Но ачыс сійӧ оз тадзи мӧвпав, сійӧ нӧшта на унджык кӧсйӧ вӧчны, мӧвпалӧ пазӧдны-бырӧдны войтыръясӧс.

Ап. уджъяс 5:30

Миян батьяслӧн Ен ловзьӧдіс Исусӧс, кодӧс ті ӧшӧдінныд пу вылӧ да виинныд.

1 Коринфӧ 15:4

Сійӧс вӧлі гуалӧма, но коймӧд луннас Енмыс ловзьӧдіс Сійӧс. Тадзи висьталӧма Гижӧдас.

1 Коринфӧ 15:20

Но Кристос ловзис кулӧмысь, Сійӧ медводдзаӧн ловзис кулӧмаяс пӧвстысь.