Ап. уджъяс 19:2 - Коми Библия 2023

² да юаліс налысь: «Сибӧдінныд-ӧ ті Вежа Лолӧс эскӧм бӧраныд?» Найӧ шуисны: «Ми весиг эгӧ на кывлӧй Вежа Лов йылысь».

Ап. уджъяс 19:2 Referans Kwoze

Галатӧ 3:5

Енмыс ӧмӧй Индӧд серти уджъясныд вӧсна сетӧ Вежа Ловсӧ да вӧчӧ тіян пӧвстын шензьӧданаторъяссӧ? Оз ӧмӧй кывлӧм Бур Юӧрӧ эскӧмныд вӧсна?

1 Коринфӧ 6:19

Ті ӧмӧй онӧ тӧдӧй, мый тіян вир-яйныд – Вежа Ловлӧн крамыс, мый Вежа Лолыс олӧ тіян пытшкын. Тайӧ Ловсӧ Енмыс сетіс тіянлы, ӧні ті абу нин асланыдӧсь.

Иоан 7:39

Исус висьталіс тайӧс Лов йылысь, кодӧс сибӧдасны Сылы эскысьяс. Налы абу на вӧлі сетӧма Вежа Ловсӧ, ӧд Исуслӧн дзирдлуныс эз на воссьы.

Ап. уджъяс 19:5

Тайӧс кылӧм бӧрын найӧ пыртчисны Господь Исус нимӧн.

Ап. уджъяс 10:44

Петырлӧн сёрнитігӧн Вежа Лов лэччис ставныс вылӧ, кодъяс сэні кывзісны.

Ап. уджъяс 2:17

– Бӧръя лунъясӧ, – висьталӧ Ен, – Ме кисьта Ассьым Лолӧс быд морт вылӧ. Тіян пиянныд да нывъясныд пондасны пророкавны, зонъясныд кутасны аддзыны Енсянь петкӧдчылӧмъяс, олӧмаяс пондасны вӧтавны збыльмана вӧтъяс.

Ӧксыяслӧн 1 небӧг 3:7

Самуил сэки эз на тӧд Господьӧс, и Господь эз на восьт кывсӧ сылы.

Римӧ 1:11

Ёна кӧсъя аддзӧдчывны тіянкӧд да юксьыштны Ловсянь сетӧмторъясӧн, медым ёнмӧдны тіянӧс.