Ап. уджъяс 18:3 - Коми Библия 2023

³ да кольччис сэтчӧ, мед тшӧтш уджавны накӧд, ӧд сійӧ на моз жӧ вурис дӧрачомъяс.

Ап. уджъяс 18:3 Referans Kwoze

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

1 Коринфӧ 4:12

кок йылысь усьтӧдз уджалам, ас ки помысь кынӧмпӧт перъям. Миянӧс лёкӧдӧны, а ми бурсиам, миянӧс вӧтлӧны, а ми терпитам.

2 Коринфӧ 11:9

Ӧд став коланаторсӧ меным сетісны Македонияысь локтӧм вокъяс. Ме некор эг сьӧктӧдлы, и ог кут сьӧктӧдны тіянӧс.

2 Коринфӧ 12:13

Мый тіянлы оз тырмы? Ӧд мукӧд вичколы моз ме сеті тіянлы ставсӧ. Гашкӧ, сӧмын эг сьӧктӧд тіянӧс? Энӧ мыждӧй менӧ таысь.

2 Коринфӧ 11:7

Медым тіянӧс вылӧ пуктыны, ме улӧ пукті ачымӧс. Гашкӧ, ме мыжа сыысь, мый Енлысь Евангелльӧсӧ висьтавлі тіянлы дон босьттӧг?

1 Коринфӧ 9:14

Евангелльӧ висьталысьяслы Господь тшӧтш тадзи тшӧктіс вӧчны: пӧткӧдчыны Бур Юӧр висьталӧм помысь.

1 Коринфӧ 9:15

Но ме некор тадзи эг вӧчлы. Ме гижа та йылысь ог аслым мыйкӧ босьтӧм могысь, ӧд бурджык меным кувны тадзи вӧчӧм дорысь! Но тайӧн ошйысьӧмысь некод оз вермы дугӧдны менӧ.

1 Коринфӧ 9:18

Сідзкӧ, кутшӧм менам удждонӧй? Удждонӧй менам – висьтавлыны Кристос йылысь Бур Юӧрсӧ дон босьттӧг. Дерт, ме верма Бур Юӧр висьтавлӧмысь дон босьтны, но ог кӧсйы тадзи вӧчны.

1 Фессалоникаӧ 4:11

Зільӧй овны лӧня. Быдӧн мед вӧчӧ ассьыс удж, ас ки помысь шедӧдӧ олӧм вылас. Тадзи ми велӧдлім тіянӧс.

Ӧксыяслӧн 4 небӧг 6:2

Лэдз миянлы ветлыны Йӧрдан ю дорӧ, медым пӧрӧдны кер. Сэтысь ми быдӧн ваям ӧти керйӧн да лэптам керка, медым сэні овны-велӧдчыны». «Ветлӧй», – шуис Елисей.