Ап. уджъяс 18:27 - Коми Библия 2023

²⁷ Кор Аполос мӧдӧдчис мунны Акайяӧ, вокъяс ышӧдісны сійӧс да гижисны сэтчӧс велӧдчысьяслы, медым сибӧдасны сійӧс. Акайяын Аполос ёна отсаліс налы, кодъяс Енлӧн буралӧм кузя пондісны эскыны.

Ап. уджъяс 18:27 Referans Kwoze

Колосӧ 4:10

Чолӧм тіянлы Аристарксянь, сійӧ мекӧд ӧтлаын пукалӧ дзескыдінын. Чолӧм ыстӧ тшӧтш Варнавалӧн Марк нима воча вокыс. Тіянлы ме гижлі сы йылысь, мися, локтас кӧ, сибӧдӧй сійӧс.

Колосӧ 2:12

Пыртчиганыд тіянӧс гуалӧма да ловзьӧдӧма Кристоскӧд эскӧм пыр. Ті ӧд эскинныд Кристосӧс ловзьӧдысь Енлӧн вынӧ.

Филипӧ 1:29

Ӧд Енмыс сетіс тіянлы эз сӧмын Кристослы эскыны, тшӧтш Сы понда сьӧкыдсӧ нуны

Филипӧ 1:25

Ме зумыда эска таӧ, та вӧсна тӧда, мый ме кольчча на му вылас да лоа ставныдкӧд, ёнмӧда тіянлысь эскӧмнытӧ, медым сы пыр верминныд нимкодясьны.

2 Коринфӧ 1:24

Ми огӧ кӧсйӧй веськӧдлыны тіян эскӧмӧн, кӧсъям сӧмын отсавны тіянлы, медым ті верминныд нимкодясьны. Ми тӧдам, мый тіян эскӧмныд зумыд.

1 Коринфӧ 16:3

Бӧрйӧй ас пӧвстсьыныд некымын мортӧс. Кор воа тіянӧ, сета налы эскӧдан гижӧд да мӧдӧда найӧс Ерусалимӧ, медым нуасны сэтчӧ чукӧртӧм сьӧмнытӧ.

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

Римӧ 1:5

Сы пыр миянлы вичмис буралӧм. Сійӧ пуктіс миянӧс апостолавны, медым вайӧдны войтыръясӧс Сылӧн нимлы эскӧмас да кывзысьӧмас.

Ап. уджъяс 19:1

Кор Аполос вӧлі Коринфын на, Павел вуджис керӧсвыв муяс пыр да локтіс Ефесӧ. Сэтысь аддзис ӧткымын велӧдчысьӧс

Ап. уджъяс 18:18

Павел бура дыр на оліс Коринфын. Сэсся вокъяскӧд колльӧдчӧм бӧрын кывтіс Прискиллакӧд да Акилкӧд Сирияӧ. Кенкреяын сійӧ шырис юрсӧ, ӧд Ен водзын сылӧн кӧсйысьӧмыс помасис.

Ап. уджъяс 9:27

Сэки Варнава отсаліс Савллы, вайӧдіс сійӧс апостолъяс дінӧ да висьталіс налы, мый Савл аддзылӧма Господьӧс, да Господь сёрнитӧма сыкӧд. Нӧшта висьталіс, кыдзи Савл Дамаскын повтӧг юӧртӧма Исус йылысь.

1 Коринфӧ 3:6

Ме кӧдзи, Аполос киськаліс, а быдтіс Енмыс.

Ап. уджъяс 18:12

Кор Акайяын пуксис веськӧдлыны Галлион, иудейяс сёрнитчисны босьтны Павелӧс. Найӧ вайӧдісны Павелӧс ёрдӧ.

Ап. уджъяс 1:15

Сійӧ лунъясӧ чукӧртчис сё кызь гӧгӧр велӧдчысь. На шӧрӧ сувтӧмӧн Петыр шуис:

Ап. уджъяс 11:26

Во чӧж найӧ чукӧртчывлісны сэні эскысьяскӧд да велӧдісны бура уна йӧзӧс. Антиокияын велӧдчысьясӧс медводдзаысь шуисны Кристос войтырӧн.

Ап. уджъяс 15:34

Но Сила шуис кольччывны на сэтчӧ, сэки Иуда ӧтнас муніс Ерусалимӧ.