Ап. уджъяс 17:11 - Коми Библия 2023

¹¹ Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

Ап. уджъяс 17:11 Referans Kwoze

Исай 34:16

Корсьӧй Господьлӧн небӧгысь да лыддьӧй: став тайӧ пемӧсыс локтас сэтчӧ, ставныс кыкӧн-кыкӧн. Ӧд Господь Аслас вомӧн тшӧктіс налы тадзи вӧчны, Сылӧн Лолыс чукӧртас найӧс сэтчӧ.

Иоан 5:39

Ті тӧдмаланныд-туяланныд Гижӧдъяссӧ, медым тіянлы вичмис помтӧм олӧм, а Гижӧдъясыс висьталӧны Ме йылысь.

1 Фессалоникаӧ 2:13

Дугдывтӧг ошкам Енмӧс, ӧд миян висьталӧм бӧрын ті сибӧдінныд Енлысь кывсӧ сьӧлӧманыд. Ті сибӧдінныд сійӧс энӧ мортлысь висьталӧмсӧ моз, а Енлысь кывсӧ моз. Тайӧ збыльысь Енлӧн кыв, сійӧ вына тіян пытшкын, эскысьясын.

Матвей 13:23

Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, гӧгӧрвоӧ сійӧс да вайӧ вотӧс. Ӧтияс вайӧны вотӧссӧ сё пӧв, мӧдъяс – квайтымын пӧв, коймӧдъяс – комын пӧв».

Шусьӧгъяс 9:9

Мывкыд мортӧс туйдӧд, и сылӧн содас мывкыдлуныс. Веськыда олысьӧс велӧд, и сылӧн содас тӧдӧмлуныс.

Шусьӧгъяс 1:5

Мывкыда морт кывзас да сюсьджык лоӧ, вежӧра морт аддзас аслыс туйдӧдӧм,

1 Фессалоникаӧ 1:6

Уна сьӧкыдлун вылӧ видзӧдтӧг ті сибӧдінныд Бур Юӧрсӧ Вежа Ловсянь нимкодьлунӧн да кутінныд вӧчны миян моз да Господь моз.

Иоан 3:21

Збыль серти олысь локтӧ югыдас, медым тыдовтчисны сылӧн Енсянь уджъясыс».

2 Фессалоникаӧ 2:10

Сійӧ быд ногыс кутас ылӧдлыны найӧс, кодъяс мунӧны кулӧмас. Ӧд найӧ мустӧмтісны мездана збыльсӧ.

1 Петыр 2:2

Но кыдзи пузчужӧм кагаяс пӧткӧдчӧны йӧлӧн, тадзи зільӧй пӧткӧдчыны Енлӧн сӧстӧм кывйӧн, медым сы отсӧгӧн быдминныд да лоинныд мездмӧмаӧсь.

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».

Исай 8:20

Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.

Шусьӧгъяс 8:10

Энӧ эзысь, а менсьым велӧдӧмӧс босьтӧй, энӧ весалӧм зарни, а тӧдӧмлунсӧ сибӧдӧй,

Яков 1:21

Та вӧсна эновтчӧй быдпӧлӧс пежсьыс да лёк вӧчӧмысь, рам сьӧлӧмӧн сибӧдӧй тіянлы висьталӧм кывсӧ, ӧд сійӧ вына мездыны тіянлысь ловнытӧ.

Ап. уджъяс 10:33

Сэки ме дзик пыр мӧдӧді тэ дінӧ ассьым йӧзӧс. Тэ бура вӧчин, мый локтін. Ми ставным ӧні Ен водзынӧсь да дасьӧсь кывзыны ставсӧ, мый Енмыс тшӧктіс висьтавны тэныд».

Ап. уджъяс 2:41

Унаӧн долыдпырысь сибӧдісны сьӧлӧманыс Петырлысь кывъяссӧ да пыртчисны. Сійӧ лунӧ эскысьяс дінӧ содіс куим сюрс гӧгӧр морт.

Иов 23:12

Сылӧн тшӧктӧмъясысь ме ог ӧтдортчы, Сылысь кывъяссӧ сьӧлӧм бердын видза, аслам кӧсйӧм дорысь вылӧджык на пукта.

Ап. уджъяс 17:1

Павел да Сила мунісны Амфиполь да Аполония пыр Фессалоникаӧ. Сэні вӧлі иудейяслӧн синагога.

Ап. уджъяс 11:1

Апостолъяслы да мукӧд вокъяслы Иудеяын кывсис, мый ентӧдтӧмъяс сибӧдӧмаӧсь Енлысь кывсӧ.

Лука 16:29

Ӧвраам шуис сылы: ”Налӧн эм Мӧисей да пророкъяс, мед найӧс кывзасны”.

Еремей 2:21

Ме пукті да быдті тэнӧ, тэ вӧлін бур вотӧс вайысь виноград пу кодь, артмин медся бур кӧйдысысь, но лоин мӧд виноград пулӧн вожйӧн.

Индӧд 29:29

Гусяторйыс миян Господь Енлӧн киын, а восьтӧмсӧ сетӧма миянлы да миян ныв-пилы нэмъяс кежлӧ, медым ми олім тайӧ Индӧдлӧн став кывъясыс серти».

Лука 11:3

Сет миянлы быд лун кежлӧ няньнымӧс.