Ап. уджъяс 16:34 - Коми Библия 2023

³⁴ Та бӧрын вайӧдіс найӧс гортас да лӧсьӧдіс налы пызан. Аслас гортсакӧд сійӧ долыда нимкодясис, мый эскис Енлы.

Ап. уджъяс 16:34 Referans Kwoze

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

Филимонлы 1:7

Вокӧй, тэнад муслуныд ёна долыдмӧдӧ да ышӧдӧ миянӧс, ӧд тэ лӧньӧдан вежа войтырлысь сьӧлӧмсӧ.

Римӧ 5:11

Но тайӧ абу на ставыс. Ми нимкодясям нӧшта Енмӧн, ӧд Исус Кристос Господьным пыр миян эм Енкӧд бурасьӧм.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

1 Иоан 3:18

Челядьӧй, кутам радейтны ӧта-мӧднымӧс огӧ кывъясӧн да сёрниӧн, но збыль сертиыс да уджъясӧн.

Филипӧ 4:17

Дерт, ме ог виччысь тіянсянь сетӧмторъяс, сӧмын кӧсъя, медым тіян сетӧмторныд уна пӧвстӧн бӧр бергӧдчис тіянлы.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Ап. уджъяс 11:14

Сійӧ пӧ висьталас тэныд юӧр, код пыр мездман тэ да став тэнад гортсаыд.

Ап. уджъяс 8:39

Ваысь петӧм бӧрын Вежа Лов лэччис евнук вылӧ. А Господьлӧн андел босьтіс Филипӧс, и евнук эз нин аддзы сійӧс. Евнук долыдпырысь водзӧ муніс аслас туйӧд.

Лука 19:6

Заккей тэрмасьӧмӧн лэччис. Сійӧ долыдпырысь сибӧдіс Исусӧс гортас.

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Лука 5:29

Сэсся Левий корис Исусӧс ас ордас гажӧдчыны. Сэтчӧ локтісны тшӧтш вот перйысьяс да мукӧд корӧмаяс. Найӧ ставныс пукалісны ӧти пызан сайын.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 55:12

Ті мунанныд нимкодясьӧмӧн, тіянӧс колльӧдасны лӧня. Керӧсъяс да мылькъяс пондасны нимкодясьны тіян водзвылын, видзвывса пуяс коръяснас пондасны долыда швачӧдчыны.

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Ап. уджъяс 16:35

Асывнас юралысьяс мӧдӧдісны отсасьысьяснысӧ висьтавны, мед лэдзасны пуксьӧдӧмаясӧс дзескыдінысь.