Ап. уджъяс 16:27 - Коми Библия 2023

²⁷ Пуксьӧдӧмаясӧс видзысьыс садьмис да аддзис, мый ӧдзӧсъяс восьсаӧсь. Сэки перйис шыпуртсӧ да кӧсйис вины асьсӧ, чайтіс, мый пышйӧмаӧсь ставныс.

Ап. уджъяс 16:27 Referans Kwoze

Ап. уджъяс 12:19

Ирӧд корсис Петырӧс, но ставыс вӧлі весьшӧрӧ. Видзысьясӧс юасьӧм бӧрын сійӧ тшӧктіс вины найӧс. Сэсся Ирӧд муніс Иудеяысь Кесарияӧ да кольччис сэтчӧ.

Матвей 27:5

Иуда шыбитіс сьӧмсӧ крамас, сэсся петіс сэтысь, муніс да джагӧдчис.

Ӧксыяслӧн 3 небӧг 16:18

Зимри кор аддзис, мый израильса тышкайӧз босьтісны карсӧ, пырис аслас ӧксы керкаӧ пыді жыръяс да ӧзтіс керкасӧ, ачыс сотчис. Тадзи сійӧ куліс

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ёрдысьяс 9:54

Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс.

Ап. уджъяс 16:28

Павел горӧдіс: «Нинӧм эн вӧч аскӧдыд! Ми ставным танӧсь».

Ап. уджъяс 16:36

Видзысь висьталіс та йылысь Павеллы: «Юралысьяс тшӧктісны лэдзны тіянӧс. Верманныд петны да мунны лӧня».