Ап. уджъяс 16:15 - Коми Библия 2023

¹⁵ да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Ап. уджъяс 16:15 Referans Kwoze

Ап. уджъяс 11:14

Сійӧ пӧ висьталас тэныд юӧр, код пыр мездман тэ да став тэнад гортсаыд.

Еврейяслы 13:2

Энӧ вунӧдӧй сибӧдны ветлысь-мунысьясӧс. Тадзи вӧчигӧн ӧткымынӧн сибӧдісны анделъясӧс, весиг асьныс та йылысь эз тӧдны.

Ап. уджъяс 16:33

Сійӧ жӧ войнас видзысь петкӧдіс вокъясӧс дзескыдінысь, мыськаліс налысь дойяссӧ, сэсся гортсаыскӧд дзик пыр пыртчис.

Лука 24:29

Но найӧ эз лэдзны Сійӧс, шуалісны: «Кольччы миянкӧд. Луныс рытлань нёровтчӧ». Исус пырис накӧд керкаӧ да кольччис сэтчӧ.

Олӧм 19:3

Лот ёна корис, и найӧ мунісны сыкӧд. Лот дасьтіс сёян, пӧжаліс шомтӧм нянь да вердіс найӧс.

3 Иоан 1:8

Миянлы колӧ сибӧдны татшӧмъяссӧ, ӧд тадзи вӧчигӧн ми накӧд ӧтвыв кесъялам збыльыслы.

3 Иоан 1:5

Муса вокӧй, вокъяс да локтысьяс вӧсна тэнад тӧждысьӧмыд петкӧдлӧ, мый тэ эскана морт.

1 Петыр 5:12

Тайӧ дженьыдик гижӧдсӧ ме гижи тіянлы Силуан вок отсӧгӧн, кодлы позьӧ эскыны. Кӧсъя эскӧдны да ышӧдны тіянӧс: кутчысьӧй Енлӧн збыль буралӧмас, кодӧс сетӧма тіянлы.

Филимонлы 1:17

Тэ кӧ шуан менӧ аслад вокӧн, сибӧд сійӧс менӧ моз.

Филипӧ 1:7

Дерт, меным тадзи и колӧ мӧвпавны тіян йылысь. Пукала-ӧ ме дзескыдінын, доръя-ӧ Бур Юӧрсӧ али висьтавла сійӧс эскӧдӧмӧн, ті ставныд менам сьӧлӧмынӧсь, ӧд тіянлы мекӧд ӧтвыв вичмис Енсянь бурсетӧмыс.

Ефесӧ 1:1

Гижӧ Павел, Ен кӧсйӧм серти Исус Кристослӧн апостол. Чолӧмала тіянӧс, Ефес карын олысьясӧс, Исус Кристослы эскысь вежа войтырӧс.

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

2 Коринфӧ 12:11

Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

Римӧ 16:23

Чолӧм Гайсянь. Сійӧ сибӧдӧ ас ордас став эскысьсӧ, тшӧтш и менӧ. Тіянлы ыстӧны чолӧм Кварт вок да карса сьӧм видзысь Ераст.

2 Иоан 1:10

Тіян дінӧ локтысь кӧ вайӧ мӧд велӧдӧм, энӧ сибӧдӧй сійӧс керка помад, весиг энӧ чолӧмасьӧй сыкӧд.

Ап. уджъяс 18:8

Крисп нима морт, синагогаса юралысь, став гортсаыскӧд эскис Господьлы. Нӧшта унаӧн на Коринфын Павелӧс кывзӧм бӧрын тшӧтш эскисны да пыртчисны.

Ап. уджъяс 8:38

Сэсся тшӧктіс сувтӧдны тарантассӧ да найӧ кыкнанныс пырисны ваӧ. Филип пыртіс сійӧс.

Ап. уджъяс 8:12

Но кор кылісны Енлӧн Юралӧм йылысь да Исус Кристос йылысь Бур Юӧр, эскисны Филиплы, сэсся айулов да аньяс ставныс пыртчисны.

Лука 14:23

Мӧдыс вочавидзас: ”Пет карсьыс, ветлы туйяс-потшӧсъяс пӧлӧн да тшӧкты локнысӧ, медым менам керкаӧй вӧлі тыр.

Матвей 10:41

Коді пророкӧс сибӧдас пророкӧс моз, сылы сетасны пророклы кодь удждон. Коді веськыда олысьӧс сибӧдас веськыда олысьӧс моз, сылы сетасны веськыда олысьлы кодь удждон.

Ӧксыяслӧн 4 небӧг 4:8

Ӧтчыд Елисей локтіс Шунем карӧ. Сэні оліс зэв озыр ань. Сійӧ ёна корис Елисейӧс пыравны сы ордӧ сёйны. И быд пӧрйӧ, кор Елисей волывліс тайӧ карас, сійӧ пыравліс сёйны тайӧ аньыс ордӧ.

Ӧксыяслӧн 1 небӧг 28:23

Но Саул пыксис, шуис, ог пӧ кут сёйны. Но кесйӧгъясыслӧн да аньлӧн ёна корӧм бӧрын Саул кӧсйысис сёйны, чеччис му вывсьыс да пуксис вольпась вылӧ.

Олӧм 33:11

Босьт менсьым козинӧс. Енмыс меным уна сетіс, менам ставыс эм». Яков ёна корис Исавӧс босьтны козинъяссӧ, и сійӧ босьтіс.

Матвей 3:6

Йӧзыс висьтасисны асланыс мыжъясысь, и Иоан пыртіс найӧс Йӧрдан юын.

Ап. уджъяс 16:31

Найӧ воча шуисны: «Эскы Господь Исус Кристослы, сэки мездман тэ да став тэнад гортсаыд».

Ап. уджъяс 16:34

Та бӧрын вайӧдіс найӧс гортас да лӧсьӧдіс налы пызан. Аслас гортсакӧд сійӧ долыда нимкодясис, мый эскис Енлы.