Ап. уджъяс 15:29 - Коми Библия 2023

²⁹ Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

Ап. уджъяс 15:29 Referans Kwoze

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Ап. уджъяс 21:25

А эскӧмӧ бергӧдчӧм ентӧдтӧмъяслы ми гижлім, мед видзасны асьнысӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь. Мукӧд тшӧктӧмас налы оз ков кутчысьны».

Восьтӧм 2:20

Но Менам эм мыйсюрӧ тэныд паныд: тэ лэдзан Езавель аньлы, асьсӧ пророкӧн шуысьлы, велӧдны да кежӧдны ылӧгас Менсьым кесйӧгъясӧс. Тайӧ аньыс велӧдӧ найӧс кырсавны да сёйны идоллы вайӧм сёян.

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

Левит 17:14

Быд ловъя олысьлӧн олӧмыс сылӧн вирас. Ме ӧлӧді Израиль пиянӧс, медым эз сёйны некутшӧм вир, ӧд быд ловъя олысьлӧн олӧмыс сылӧн вирас. Вир сёйысьӧс лоӧ бырӧдӧма.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.

1 Иоан 5:21

Челядь, видзӧй асьнытӧ идолъясысь. Аминь.

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.

1 Тимофейлы 5:22

Эн тэрмась ки пуктывны кодкӧ вылӧ, медым эн мыжмы сылӧн мыж вӧчӧм вӧсна. Видз асьтӧ сӧстӧма.

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.

2 Коринфӧ 11:9

Ӧд став коланаторсӧ меным сетісны Македонияысь локтӧм вокъяс. Ме некор эг сьӧктӧдлы, и ог кут сьӧктӧдны тіянӧс.

Ап. уджъяс 18:21

Колльӧдчигас Павел шуис: «Меным быть колӧ лоны Ерусалимын гажӧдчан лунъяс дырйи. Но Ен кӧ сетас, ме бара на вола тіян дінӧ». Павел кывтіс Ефесысь

Лука 9:61

Нӧшта ӧти морт шуис: «Господьӧй, ме муна Тэ бӧрся, сӧмын лэдзлы менӧ колльӧдчыны гортсаяскӧд».

Ап. уджъяс 23:30

Сэсся кывсис меӧдз, мый иудейяс кыйӧдӧмӧн лӧсьӧдчӧны вины тайӧ мортсӧ. Та вӧсна дзик пыр мӧдӧді сійӧс тэ дінӧ. Мыжалысьяслы тшӧкті тэ водзын висьтавны, мыйысь найӧ мыжалӧны сійӧс. Ло дзоньвидза!»

Олӧм 9:4

Сӧмын энӧ сёйӧй яй, кӧні эм вир, ӧд вирын – олӧмыс.

Индӧд 12:16

Вирсӧ сӧмын энӧ сёйӧй, ва моз койыштӧй сійӧс му вылӧ.