Ап. уджъяс 15:28 - Коми Библия 2023

²⁸ Вежа Лов да ми тшӧтш огӧ кӧсйӧй сьӧктӧдны тіянӧс, тшӧктам вӧчны сӧмын коланасӧ.

Ап. уджъяс 15:28 Referans Kwoze

Иоан 16:13

Збыльыслӧн Лолыс локтас да велӧдас тіянӧс збыляс. Сійӧ оз Ассяньыс кут висьтавны, а висьталас кывлӧмсӧ да юӧртас тіянлы водзӧ лоанасӧ.

Матвей 11:30

Ӧд Менам сийӧсӧй оз личкы, да Менам нӧбйӧй оз сьӧктӧд».

Восьтӧм 2:24

Тіянлы да фиатираса мукӧд олысьяслы, кодъяс эз сетчыны Езавельлӧн велӧдӧмӧ да эз пырӧдчыны сідз шусяна ”сӧтаналӧн гуся велӧдӧмӧ”, Ме висьтала со мый: ог сьӧктӧд тіянӧс мукӧд тшӧктӧмъясӧн.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

1 Коринфӧ 14:37

Коді лыддьӧ асьсӧ пророкӧн либӧ Лов серти олысьӧн, сійӧ мед тӧдӧ, мый тайӧ велӧдӧмыс – Господьлӧн тшӧктӧм.

1 Коринфӧ 7:40

Но бурджык лоӧ, оз кӧ пет верӧс сайӧ. Чайта, Енлӧн Лолыс эм и ме пытшкын, сійӧн тадзи шуа.

Ап. уджъяс 15:19

Та вӧсна ме чайта, оз ков сьӧктӧдны мукӧд войтыръяс пиысь Енлань бергӧдчӧмаясӧс.

Ап. уджъяс 15:8

Сьӧлӧмтӧдысь Ен сетіс налы миянлы моз Вежа Ловсӧ, тайӧн петкӧдліс, мый Сійӧ сибӧдӧ найӧс.

Ап. уджъяс 5:32

Ми тӧдам тайӧс, та вӧсна и висьталам. Висьталӧ та йылысь тшӧтш Вежа Лов, кодӧс Енмыс сетӧ Сылысь кывзысьысьяслы».

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

1 Коринфӧ 7:25

Ӧні висьтала верӧс сайӧ мунтӧмъяслы. Тайӧ абу Господьлӧн тшӧктӧм, ме висьтала ассьым видзӧдласӧс, ӧд Господьлӧн буралӧмыс кузя меным позьӧ эскыны.

Ап. уджъяс 15:25

Та вӧсна ми ӧтвылысь бӧрйим да шуим мӧдӧдны тіян дінӧ миян муса Варнавакӧд да Павелкӧд кодсюрӧӧс.

Матвей 23:4

Найӧ кӧртавлӧны сьӧкыд, нуны вермытӧм нӧбъяс да пуктӧны йӧзлы пельпом вылас. Но асьныс весиг чунь помнас вӧрзьӧдны оз кӧсйыны.

Ап. уджъяс 16:4

Каръясӧ ветлігӧн найӧ висьтавлісны эскысьяслы апостолъяслысь да юрнуӧдысьяслысь Ерусалимын шуӧм тшӧктӧмъяссӧ, медым эскысьяс олісны на серти.