Ап. уджъяс 15:25 - Коми Библия 2023

²⁵ Та вӧсна ми ӧтвылысь бӧрйим да шуим мӧдӧдны тіян дінӧ миян муса Варнавакӧд да Павелкӧд кодсюрӧӧс.

Ап. уджъяс 15:25 Referans Kwoze

2 Петыр 3:15

Господьлысь терпитӧмсӧ лыддьӧй аслыныд мездмӧмӧн. Та йылысь гижліс тіянлы Ен вежӧра дона Павел вокным.

Ап. уджъяс 15:22

Сэки апостолъяс да юрнуӧдысьяс став вичкоыскӧд шуисны бӧрйыны ас пӧвстсьыныс вокъясӧс да мӧдӧдны найӧс Павелкӧд да Варнавакӧд Антиокияӧ. Бӧрйисны пыдди пуктана вокъясӧс: Иудаӧс, кодӧс шуисны Варсаваӧн, да Силаӧс.

Ап. уджъяс 15:2

Павел да Варнава паныд сувтісны налы да дыр вензисны накӧд. Сэки шуисны мӧдӧдны Павелӧс, Варнаваӧс да ас йӧзсьыс кодсюрӧӧс апостолъяс да юрнуӧдысьяс дінӧ Ерусалимӧ, медым тайӧ сёрнинас воны ӧти кывйӧ.

Ап. уджъяс 1:14

Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

Филимонлы 1:16

Сибӧдін эн нин кесйӧгӧс моз, но кесйӧгысь донаджыкӧс – муса вокӧс моз. Меным сійӧ ёна муса. Но тэныд сійӧ ёна мусаджык на, ӧд сійӧ ас морт кодь, нӧшта Господь пытшкын вок.

Колосӧ 4:9

Сыкӧд тшӧтш мӧдӧда миян муса да эскана Ӧнисим вокӧс, сійӧ ӧд тіянысь петіс. Найӧ висьталасны ставсӧ, мый миян вӧчсьӧ тані.

Колосӧ 4:7

Ме йылысь ставсӧ тіянлы висьталас Тихик. Сійӧ – менам муса вок да уджъёрт, Господьлӧн эскана кесъялысь.

Ефесӧ 6:21

Медым ті тӧдінныд менам олӧм-вылӧм йылысь, ставсӧ тіянлы висьталас Тихик. Сійӧ – менам муса вок, Господьлӧн эскана кесъялысь.

Галатӧ 2:9

Яков, Петыр да Иоан, кодъясӧс лыддисны зумыд сюръяясӧн, гӧгӧрвоисны, мый Енмыс буралӧмнас корӧма менӧ. Сэки миянлы Варнавакӧд найӧ кинысӧ сетісны, медым вӧчны ӧтувъя удж. Сёрнитчим, мый найӧ мунасны иудейяс дінӧ, ми – мукӧд войтыръяс дінӧ.

1 Коринфӧ 1:10

Вокъяс, кора тіянӧс миян Господь Исус Кристос нимӧн: ас костаныд энӧ юксьӧй, олӧй ӧти мӧвпъясӧн, ӧти видзӧдласӧн да ӧти могӧн.

Римӧ 16:12

Чолӧм тшӧтш мӧдӧда Енлысь уджсӧ вӧчысьяслы: Трифеналы да Трифосалы. Чолӧм муса Персида чойлы, сійӧ ёна уджаліс Господьлы.

Ап. уджъяс 15:35

Павел да Варнава олісны Антиокияын, велӧдісны да мукӧдыскӧд тшӧтш юӧртісны Господьлысь кывсӧ.

Ап. уджъяс 15:6

Апостолъяс юрнуӧдысьяскӧд чукӧртчисны, медым сёрнитны та йылысь.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

Ап. уджъяс 2:1

Воис Ветымынӧд лунся гаж. Найӧ ставныс вӧліны ӧти сьӧлӧмаӧсь. Кор найӧ вӧлі чукӧртчӧмаӧсь,

Матвей 11:26

Татшӧм вӧлі Тэнад бур кӧсйӧмыд, Батьӧй.