Ап. уджъяс 15:1 - Коми Библия 2023

¹ Иудеяысь локтысьясысь кодсюрӧ велӧдісны вокъясӧс, онӧ кӧ пӧ вундыштчӧй Мӧисей Индӧд серти, онӧ мездмӧй.

Ап. уджъяс 15:1 Referans Kwoze

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Ап. уджъяс 15:5

Сэки кодсюрӧ эскысьяс, кодъяс кутчысисны фарисейяслӧн велӧдӧмӧ, шуисны, мый ентӧдтӧмъяслы колӧ вундыштчыны да овны Мӧисей Индӧд серти.

Колосӧ 2:8

Видзчысьӧй, мед кодкӧ эз тывйышт тіянӧс мувывса мывкыдлуннас да ылӧг сёрнинас. Найӧ подуласьӧны мортлӧн велӧдӧм вылӧ да муюгыд вынъяс вылӧ, а оз Кристос вылӧ.

Левит 12:3

Кӧкъямысӧд луннас кагасӧ колӧ вундыштны.

Ап. уджъяс 15:24

Ми кывлім, мый кодсюрӧ миян йӧз шӧйӧвоштӧны тіянӧс асланыс велӧдӧмӧн, шуӧны, колӧ пӧ вундыштчыны да кутчысьны Индӧдӧ. Тадзи велӧднысӧ ми эгӧ тшӧктылӧй налы.

Иоан 7:22

Мӧисей тшӧктіс тіянлы вундыштчыны. Дерт, тайӧ тшӧктӧмыс абу Мӧисейсянь, а батьяссяньныд. Ті весиг шойччан лунӧ вундыштанныд мортсӧ.

Галатӧ 2:1

Дас нёль во мысти Варнавакӧд ме бара ветлі Ерусалимӧ, аскӧд тшӧтш босьті Титӧс.

Ап. уджъяс 15:3

Вичкосянь мӧдӧдӧмаяс, Финикияті да Самарияті мунігӧн, висьтавлісны Ен дінӧ ентӧдтӧмъяслӧн бергӧдчӧм йылысь. Тайӧ юӧрсӧ кылӧмысь сэтчӧс вокъяс ставныс ёна нимкодясисны.

Ап. уджъяс 6:14

Ми асьным кывлім, кыдзи сійӧ шуліс, Назаретса Исус пӧ жугӧдас тайӧ вежаинсӧ да вежас Мӧисейӧн важысянь лӧсьӧдӧм оласногсӧ».

Колосӧ 2:16

Сідзкӧ, некод мед оз мыжав тіянӧс сёян-юанысь, вежа лунъясысь, выль тӧлысь пасйӧмысь да шойччан лунӧ кутчысьӧмысь,

Ап. уджъяс 21:20

Павелӧс кывзӧм бӧрын юрнуӧдысьяс ошкисны Енмӧс, сэсся шуисны: «Тӧдан, вокӧй, иудейяс дас сюрсъясӧн бергӧдчисны эскӧмас, и ставныс найӧ кутчысьӧны Индӧдӧ.

Ап. уджъяс 15:22

Сэки апостолъяс да юрнуӧдысьяс став вичкоыскӧд шуисны бӧрйыны ас пӧвстсьыныс вокъясӧс да мӧдӧдны найӧс Павелкӧд да Варнавакӧд Антиокияӧ. Бӧрйисны пыдди пуктана вокъясӧс: Иудаӧс, кодӧс шуисны Варсаваӧн, да Силаӧс.

Ап. уджъяс 1:15

Сійӧ лунъясӧ чукӧртчис сё кызь гӧгӧр велӧдчысь. На шӧрӧ сувтӧмӧн Петыр шуис:

Ап. уджъяс 15:23

Накӧд ыстісны татшӧм гижӧд: «Ми, апостолъяс, юрнуӧдысьяс да вокъяс, чолӧмалам тіянӧс, Антиокия карын, Сирия да Киликия муясын ентӧдтӧмъяс пиысь бергӧдчӧм вокъясӧс.

Ап. уджъяс 15:32

Иуда да Сила вӧліны пророкъяс, найӧ ёна ышӧдісны да ёнмӧдісны вокъясӧс.

Галатӧ 6:12

Найӧ, кодъяс кӧсйӧны шогмыны йӧзлы, тшӧктӧны тіянӧс вундыштчыны сӧмын сы могысь, медым найӧс эз вӧтлыны Кристос крест вӧсна.