Ап. уджъяс 12:8 - Коми Библия 2023

⁸ Андел шуис: «Вӧнясь да кӧмась». Петыр кывзысис. Сэсся андел шуис: «Пасьтав вылыс паськӧмтӧ да лок ме бӧрся».

Ап. уджъяс 12:8 Referans Kwoze

Матвей 3:11

Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.

Лука 12:37

Кесйӧгъяс шудаӧсь, ыджыдыс кӧ гортас воигӧн аддзас, мый найӧ виччысьӧны сійӧс. Веськыда висьтала тіянлы: ыджыдыс сэки вӧнясяс, корас кесйӧгъяссӧ пызан сайӧ да ачыс пондас кесъявны налы.

Ап. уджъяс 12:7

Виччысьтӧг Господьлӧн андел сувтіс сы водзӧ, и гӧгӧр югдіс. Петырлы инмӧдчиг андел садьмӧдіс сійӧс да шуис: «Чеччы ӧдйӧджык». Петырлӧн киыс дзик пыр мыніс чепъясысь.

Ап. уджъяс 12:9

Петыр муніс андел бӧрся, но чайтіс, мый ставыс тайӧ абу збыль, а сӧмын Енсянь петкӧдчылӧм.

Марк 6:9

да вежан кӧм-пась».

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Ап. уджъяс 27:23

Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.