Ап. уджъяс 12:3 - Коми Библия 2023

³ Ирӧд аддзис, мый тайӧ сьӧлӧм вылас воис иудейяслы, да тшӧктіс босьтны тшӧтш Петырӧс. Сэки буретш пасйисны Шомтӧм нянь сёян лунъяс.

Ап. уджъяс 12:3 Referans Kwoze

Петӧм 23:15

Менам тшӧктӧм серти индӧм кадӧ авив тӧлысьӧ сизим лун чӧж пасйӧй Шомтӧм нянь сёян лунъяс. Сёйӧй сэки шомтӧм нянь. Ӧд авив тӧлысьӧ ті петінныд Египетысь. Энӧ локтӧй Ме водзӧ куш киӧн.

Ап. уджъяс 24:27

Кык во мысти Феликс пыдди юралысьӧ пуксис Порций Фест. И медым шогмыны иудейяслы, Феликс колис Павелӧс дзескыдінӧ.

Иоан 12:43

Ӧд Енлӧн ошкӧм дорысь налы мусаджык вӧлі йӧзлӧн ошкӧмыс.

Ап. уджъяс 25:9

Мед бурӧн кольны иудейяс водзын, Фест шуис Павеллы: «Кӧсъян-ӧ мунны Ерусалимӧ, мед сэні менам ёрд водзӧ сувтны?»

Галатӧ 1:10

Йӧзсянь-ӧ, Енсянь-ӧ виччыся ме ошкӧмсӧ? Йӧзлы ӧмӧй зіля шогмынысӧ? Ме кӧ зіли шогмыны йӧзлы, сэки эськӧ эг вӧв Кристослӧн кесйӧг.

Ап. уджъяс 20:6

Шомтӧм нянь сёян лунъяс бӧрын ми петім Филип карысь да вит лунӧн воӧдчим на дінӧ Троадаӧ. Сэні олім вежон чӧж.

1 Фессалоникаӧ 2:4

Енмыс водзвыв тӧдмаліс миянӧс да лыддис шогманаясӧн висьтавлыны Сылысь Бур Юӧрсӧ, та вӧсна и висьтавлам. Ми зілям шогмыны Енмыслы, а огӧ йӧзыслы, ӧд Сійӧ тӧдӧ миянлысь сьӧлӧмнымӧс.

Иоан 21:18

Веськыда, веськыда висьтала тэныд: томдырйиыд тэ ачыд вӧнясьлін да ветлін, кытчӧ кӧсйин. Пӧрысьман да, нюжӧдан китӧ, сэки мӧд тэнӧ вӧньӧдас да нуӧдас, кытчӧ он кӧсйы».

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Матвей 26:17

Шомтӧм нянь сёян лунъяс дырйи медводдза лунӧ Исус дінӧ локтісны велӧдчысьясыс да юалісны: «Кӧні кӧсъян сёйны ыджыдлунся баляӧс? Ми мунам да дасьтам».

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Ап. уджъяс 4:13

Кор веськӧдлысьяс да юрнуӧдысьяс аддзисны Петыр да Иоанлысь повтӧмлунсӧ да казялісны, мый найӧ велӧдчытӧм йӧз, ёна шензисны. Гӧгӧрвоисны, мый найӧ вӧлӧмаӧсь Исускӧд.

Ап. уджъяс 2:14

Петыр сувтіс дас ӧтиыскӧд да гораа шыасис: «Иудей войтыр да Ерусалимын мукӧд олысьяс! Кывзӧй менӧ да тӧд выланыд босьтӧй менсьым висьталӧмӧс.

Ап. уджъяс 12:4

Петырӧс босьтісны да йӧртісны дзескыдінӧ. Шыпуртаяслы тшӧктісны видзны сійӧс нёльӧн-нёльӧн да нёльысь вежласьӧмӧн. Ирӧд шуис Ыджыд лун бӧрын петкӧдны сійӧс йӧз водзӧ.